دەنيس تەننىڭ ءولىمى بويىنشا باستى سوت تالقىلاۋى باستالدى
ءىس كونۆويرلەردىڭ كەشىگۋىنە بايلانىستى جارتى ساعاتقا كەش باستالدى.
بۇگىنگى وتىرىستا پروكۋرور قۋاندىق دوسوۆ سوتتالۋشىلارعا قاتىستى ايىپتاۋ اكتىسىن وقىدى.
مۇنىڭ الدىنداعى وتىرىستا قوس تاراپ الدىن الا تىڭدالىم بارىسىندا ءوز تالاپ ارىزدارىن ايتقان بولاتىن.
وكسانا تەننىڭ قۇقىعىن قورعاۋشى نۇرلان وستەمىروۆ دەنيستى بىرەۋلەر تاپسىرىسپەن ءولتىرۋى مۇمكىن دەگەن ويمەن ءىستى قايتا تەرگەۋگە جىبەرۋدى سۇراعان بولاتىن.
سۋديا سوت زالىنان تىس كەڭەسۋ بولمەسىندە كەڭەسۋدەن سوڭ ءىستى پروكۋراتۋراعا قايتا تەرگەۋگە جىبەرۋدىڭ قاجەتتىلىگى جوق دەپ شەشتى.
سونىمەن قاتار، جابىرلەنۋشى تاراپ دەنيستىڭ ۇرىلارمەن جاعا جىرتىسىپ جاتقانىن ەكى پوليتسەي كورگەنىن ايتتى.
سوتتالۋشى جانار تولىبايەۆا ءوزىنىڭ جۇكتىلىكتىڭ 6,5 ايلىعىندا ەكەنىن مالىمدەگەن بولاتىن.
كەلەسى سوت وتىرىسى قاڭتارعا تاڭەرتەڭگى 10 عا بەلگىلەندى.
ەسكە سالساق، دەنيس تەندى بيىل 19- شىلدەدە الماتى قالاسىندا بەلگىسىز بىرەۋلەر پىشاقتاپ كەتكەن ەدى. اۋىر حالدە اۋرۋحاناعا جەتكىزىلگەن سپورتشى كوز جۇمعان بولاتىن.
دەنيس تەننىڭ ولىمىنە قاتىستى قىلمىستىق ءىس قوزعالىپ، كۇدىكتىلەر ىزدەستىرىلدى. ەلباسى دەنيس تەنگە قاتىستى قىلمىستى مۇقيات تەكسەرۋدى تاپسىردى. كەيىن ق ر ءى ءى م كۇدىكتىلەردىڭ ۇستالعانىن جاريا ەتتى. ال، قىركۇيەك ايىنىڭ سوڭىندا ىشكى ىستەر ءمينيسترى قالمۇحانبەت قاسىموۆ اتالمىش قىلمىستىق ءىستىڭ تەرگەلۋىنە قاتىستى مالىمەت بەرگەن بولاتىن. 25-جەلتوقساندا الماتى قىلمىستىق ىستەر بويىنشا اۋدانارالىق مامانداندىرىلعان سوتتا بەلگىلى سپورتشىنىڭ ءولىمى بويىنشا الدىن الا سوت تىڭدالىمى وتكەن بولاتىن.
