بيىل قۇرىلاتىن جاڭا اۋە كومپانياسىنىڭ تاريفتەرى ەكى ەسە ارزان بولادى

ق ر يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەكتىڭ سوزىنە قاراعاندا، الماتى مەن استانا رەيسىنىڭ باعاسى 14-16 مىڭ تەڭگە شاماسىندا بولادى. سونىمەن قاتار، بۇل اۋە كومپانياسى جاڭا ۇشاقتارمەن قامتاماسىز ەتىلمەك. بۇل باعىتتاعى قارجىلىق شىعىنداردى كومپانيا ءوز ەسەبىنەن جۇزەگە اسىرادى.

 بۇدان بۇرىن حابارلانعانداي، 2019 -جىلى «ەير استانا» «Fly Arystan»  قولجەتىمدى اۋە كومپانياسىن ىسكە قوسادى. جاڭا اۋە كومپانياسى Easyjet, Indigo, Cebu Pacific, Air Asia  حالىقارالىق لوۋكوستەرلەرىنىڭ ۇلگىسى بويىنشا ارزان مودەلدە جۇمىس ىستەيتىن بولادى.

 ەسكە سالا كەتسەك، 2 - قاراشادا مەملەكەت باسشىسى ينۆەستيتسيالار جانە دامۋ ءمينيسترى جەڭىس قاسىمبەكتى، «سامۇرىق- قازىنا» اكسيونەرلىك قوعامى ديرەكتورلار كەڭەسىنىڭ مۇشەسى ريچارد ەۆانستى جانە «ەير استانا» اۋە كومپانياسىنىڭ پرەزيدەنتى پيتەر فوستەردى قابىلداعان بولاتىن. كەزدەسۋ سوڭىندا مەملەكەت باسشىسى «ەير استانا» بازاسىندا بيۋدجەتتىك اۋە كومپانياسىن قۇرۋدى تاپسىردى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى