گەرمانيادا تەگىن وقىعىسى كەلەتىن قازاقستاندىقتار ءۇشىن ءوتىنىش قابىلداۋ باستالدى
بۇل تۋرالى قازاقپارات «بولاشاقتىڭ» سايتىنا سىلتەمە جاساپ حابارلايدى.
DAAD www.daad.kz نەمىس اكادەميالىق الماسۋ قىزمەتىنىڭ ۆەب-سايتىندا گەرمانياداعى باكالاۆرياتتان PhD- عا دەيىن وقۋ باعدارلامالارىن تابۋعا بولادى. تومەندەگى اعىلشىن تىلىندەگى وقۋ باعدارلامالارى بويىنشا اقپاراتتىق بروشيۋرالاردىڭ سىلتەمەسى:
گەرمانياداعى حالىقارالىق باكالاۆريات باعدارلامالارى گەرمانياداعى حالىقارالىق ماگيستراتۋرا باعدارلامالارى گەرمانياداعى حالىقارالىق دوكتورلىق باعدارلامالار بۇل اقپاراتتىق بروشيۋرالار اعىلشىن باعدارلامالارىن، ۋنيۆەرسيتەتتەردى، قالانى، وقىتۋدىڭ باستالۋ ۋاقىتى، ۆەب-سايتتىڭ سىلتەمەلەرىن جانە ەلەكتروندىق پوشتانى كورسەتەدى.
NB: مەديتسينا جانە قۇقىق باعدارلامالارىنىڭ كوپشىلىگى تەك نەمىس تىلىندە ەكەنىن ەسكەرۋ قاجەت.
باكالاۆرياتتىڭ نەگىزگى قۇجاتتارى:
تىلدىك سەرتيفيكات: DSH، TestDaF، IELTS (6.0-دەن باستاپ)، TOEFL (ەڭ ازى 80)؛ ورتا (تولىق) جالپى ءبىلىم تۋرالى اتتەستات نەمەسە وقۋ ورنىنان الىنعان انىقتاما مەن ترانسكريپت (ەگەر اتتەستات بولماسا)؛ NB: 11 جىلدىق ءبىلىم بەرۋ مەكتەبىنىڭ بارلىق تۇلەكتەرى ءۇشىن دايىندىق كۋرستارىن (شتۋديەنكوللەگ) نەمىس تىلىندە ءوتۋ كەرەك.
نەمەسە قازاقستاندىق ۋنيۆەرسيتەتتە 1 كۋرس وقۋدى ءبىتىرۋ قاجەت، سودان كەيىن گەرمانيادا ۋنيۆەرسيتەتكە ءتۇسۋ كەرەك. اكادەميالىق انىقتاما نەمەسە ديپلوم (كەمىندە 1 جىل جوعارى ءبىلىم نەمەسە ۋنيۆەرسيتەت الدىنداعى دايىندىق ءوتۋ تۋرالى (ستۋدەنتتىك كوللەدجدەر)؛ موتيۆاتسيالىق حات؛ رەزيۋمە.
ماگيستراتۋراعا ارنالعان نەگىزگى قۇجاتتار: تىلدىك سەرتيفيكات: DSH، TestDaF، IELTS (6.5 تەن باستاپ)، TOEFL (ەڭ از 80)؛ باكالاۆر ديپلومى نەمەسە وقۋ ورنىنان الىنعان انىقتاما مەن ترانسكريپت (ەگەر ديپلوم بولماسا)؛ موتيۆاتسيالىق حات؛ رەزيۋمە.
PhD دوكتورانتۋراسىنىڭ نەگىزگى قۇجاتتارى: تىلدىك سەرتيفيكات: DSH، TestDaF، IELTS (6.5 تەن باستاپ)، TOEFL (ەڭ از دەگەندە 80)؛ ماگيستر ديپلومى نەمەسە وقۋ ورنىنان الىنعان انىقتاما مەن ترانسكريپت (ەگەر ديپلوم بولماسا)؛ ۇسىنىم حاتتار؛ زەرتتەۋ جوباسى؛ موتيۆاتسيالىق حات؛ رەزيۋمە.
بارلىق قۇجاتتار نەمىس نەمەسە اعىلشىن تىلىنە اۋدارىلىپ، نوتاريالدى كۋالاندىرىلۋى قاجەت. وتىنىشتەردى قابىلداۋ مەرزىمى باعدارلامالار مەن ۋنيۆەرسيتەتتەرگە بايلانىستى: ناۋرىز، ءساۋىر، مامىر، ماۋسىم، شىلدە.
