ۆەنەتسياعا كەلگەنىڭ ءۇشىن اقى تولە: عاشىقتار قالاسىندا جاڭا سالىق ەنگىزىلەدى

Tassa di sbarco - تىكەلەي اۋدارعاندا كەمەدەن تۇسكەنى ءۇشىن تولەنەتىن اقى دەگەندى بىلدىرەدى، ءبىراق بۇل سالىقتى تەك كەمە عانا ەمەس، پويىز، اۆتوكولىك، ءتىپتى ۇشاقپەن ۇشىپ كەلگەن جولاۋشىلار دا تولەۋگە ءتيىس، دەپ حابارلايدى قازاقپارات euronews.com اگەنتتىگىنە سىلتەمە جاساپ.

بۇل الىم-سالىق 2019-جىلدان باستاپ ەنگىزىلەدى دەپ كۇتىلۋدە. ول مۋنيتسيپاليتەتتىڭ ءوز بەتىنشە قوسىمشا قارجى تارتۋىنا مۇمكىندىك بەرەدى.

جاڭا سالىق قازىرگى قوناق ءۇي الىمىنىڭ ورنىن باسادى، وسىلايشا ۆەنەتسيادا قوناق ءۇيدى قاجەت ەتپەيتىن تۋريستەر دە اقى تولەيتىن بولادى.

سالىق كولەمى - ءار قوناق ءۇشىن 2,5 ەۋرودان 5 ەۋروعا دەيىن، ونىڭ سوماسى ماۋسىمعا قاراي وزگەرىپ وتىرۋى ىقتيمال.

ۆەنەتسيا بيلىگى جوبانىڭ ءالى وڭدەلىپ جاتقانىن اتاپ ءوتتى. ولاردىڭ ەسەپتەۋىنشە، tassa di sbarco سالىعى قازىناعا جىلىنا 50 ميلليون ەۋروعا دەيىن تابىس اكەلەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى