الداعى جىلى بارلىق ءدارىحاناداعى ءدارى-دارمەك باعاسى بىردەي بولادى
ءتيىستى زاڭ جوباسى ناۋرىز ايىنان باستاپ كۇشىنە ەنەدى. زاڭعا سايكەس، نارىققا قاتىسۋشىلار دەنساۋلىق ساقتاۋ مينيسترلىگى بەكىتىپ بەرگەن باعانى ۇستانۋعا مىندەتتەلەدى. قازىر ءبىر پرەپاراتتىڭ باعاسى ءار ءدارىحانادا ءارتۇرلى ەكەنى جاسىرىن ەمەس. ءتىپتى كەيبىر الىپ ساتارلار ءدارى قۇنىن بىرنەشە ەسە قىمباتتاتىپ ساتاتىنى بار.
2019-جىلدان باستاپ ولار زاڭ جۇزىندە جازاعا تارتىلاتىن بولادى. قازىر جاۋاپتى مينيسترلىك باعانى رەتتەۋ مەحانيزمىن جان-جاقتى جەتىلدىرىپ جاتىر.
«زاڭ شىققان سوڭ باعانى رەتتەۋگە ارنالعان نورما ءۇش ايدان كەيىن كۇشىنە ەنەدى. ياعني بىزگە جاڭا ەرەجەلەردى بەكىتۋ كەرەك. سونىڭ نەگىزىندە باعا قالىپتاسادى. ولار دەنساۋلىق ساقتاۋ ءمينيسترىنىڭ بۇيرىعىمەن بەكىتىلەدى. كوتەرمە جانە بولشەكتەپ ساتۋعا ارنالعان باعا بەلگىلەنگەن سوڭ الىپساتارلاردىڭ ونى كوتەرۋىنە تىيىم سالىنادى. وسىلايشا بۇل مەحانيزمنىڭ كومەگىمەن رەسپۋبليكا بويىنشا باعانى تەڭەستىرەمىز»، - دەيدى ق ر د س م فارماتسيا كوميتەتىنىڭ ءتورايىمى ليۋدميلا بيۋرابەكوۆا.
