كرەمل رەسەي مەن بەلارۋستىڭ «قوسىلاتىنىن» جوققا شىعاردى

 ماسكەۋ مەن مينسك «ءبىر باعىتتا ەمەس، ءبىر- بىرىنە قاراي بارا جاتىر» دەپ مالىمدەگەن ول.

رەسەي پرەزيدەنتى ۆلاديمير پۋتين مەن بەلارۋس پرەزيدەنتى الەكساندر لۋكاشەنكو سەنبى كۇنى ماسكەۋدە كەلىسسوزدەر وتكىزدى. كرەملدىڭ رەسمي سايتىنداعى قىسقا اقپاراتتا كەزدەسۋدە قانداي ماسەلە قوزعالعانى ايتىلماعان.

پۋتين مەن لۋكاشەنكو مۇنىڭ الدىندا 25 - جەلتوقساندا ماسكەۋدە كەزدەسكەن. وعان دەيىن ەكى تاراپتان دا قاتقىلداۋ مالىمدەمەلەر جاسالعان. لۋكاشەنكو رەسەيدىڭ بەلارۋستى وزىنە باعىندىرعىسى، «ءتىپتى قوسىپ العىسى كەلەتىنىن» ايىپتاعان. رەسەي وكىلدەرى مينسك ساۋدا جەڭىلدىكتەرىن قيسىنسىز پايدالانعىسى كەلەدى دەپ ايتقان.

13 - جەلتوقساندا رەسەي پرەمەر- ءمينيسترى دميتري مەدۆەديەۆ برەست قالاسىندا رەسەي مەن بەلارۋس وداعى مينيسترلەر كەڭەسىندە سويلەگەن سوزىندە رەسەيدىڭ بەلارۋسپەن بىرلەسىپ اقشا شىعاراتىن ورتالىق، كەدەن قىزمەتى، سوت جانە ەسەپ پالاتاسىن قۇرۋعا ءازىر ەكەنى تۋرالى مالىمدەگەن. ونىڭ سوزىنشە، مۇنداي جاعدايدا ەكى مەملەكەت ورتاق سالىق ساياساتىن جۇرگىزە الادى. 14- جەلتوقساندا لۋكاشەنكو رەسەيلىك جۋرناليستەرمەن كەزدەسۋدە ءوزى ءۇشىن «قاسيەتتى»  ۇعىمعا اينالعان مەملەكەتتىڭ ەگەمەندىگىنەن ايىرىلۋعا ەشقاشان جول بەرمەيتىنى تۋرالى مالىمدەگەن.

www.azattyq.org

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى