اكتريسا شولپان ەلگەزەك قازا تاپقان جول اپاتىندا جۇرگىزۋشى ماس بولعان

الماتى پوليتسيا دەپارتامەنتى اباي جانە سەيفۋللين داڭعىلدارىنىڭ قيىلىسىندا بولعان جان تۇرشىگەرلىك جول اپاتىنا قاتىستى العاشقى دەرەكتەردى ءمالىم ەتتى.

«Mercedes Benz G-55» ماركالى اۆتوموبيل جۇرگىزۋشىسى، 1985 -جىلى تۋعان ازامات ك. اباي جانە سەيفۋللين داڭعىلدارىنىڭ قيىلىسىندا جول اپاتىن جاساعاندىقتان، ق ر قىلمىستىق- پروتسەستىك كودەكسىنىڭ 128-بابىنا سايكەس ۇستالدى. تەرگەۋ بارىسىندا جۇرگىزۋشىنىڭ ماس بولعانى انىقتالدى. سوتقا دەيىنگى تەرگەپ- تەكسەرۋلەر ق ر قىلمىستىق كودەكسىنىڭ 345-بابىنا جانە 347-بابىنىڭ 3-بولىگىنە سايكەس جۇرگىزىلىپ جاتىر»، - دەپ مالىمدەدى پوليتسيا دەپارتامەنتىنىڭ وكىلدەرى.

قازىر ءىس بويىنشا ءتيىستى ساراپتامالار بەلگىلەنگەن. بۇرىن ءى ءى م ىشكى جانە سىرتقى كوممۋنيكاتسيالار دەپارتامەنتىنىڭ ديرەكتورى الماس سادۋبايەۆ اكتريسانىڭ ءولىمىن تەرگەپ- تەكسەرۋ ەرەكشە قاداعالاۋدا ەكەنىن مالىمدەگەن بولاتىن.

اۆتور: البەرت احمەتوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى