قىزدار ۋنيۆەرسيتەتىنە «ۇلتتىق» ستاتۋسى بەرىلدى

بۇل تۋرالى ۋنيۆەرسيتەتتىڭ باسپا ءسوز ورتالىعىنىڭ جەتەكشىسى جاندار اسان ءمالىم ەتتى، دەپ حابارلايدى قازاقپارات ءتىلشىسى.

قازاق مەملەكەتتىك قىزدار پەداگوگيكالىق ۋنيۆەرسيتەتى ەلىمىزدىڭ وقۋ ورىندارى اراسىندا وزىندىك دارا ورنى بار ءبىلىم وردالارىنىڭ ءبىرى. ول - رەسپۋبليكادا تەك قىزداردان پەداگوگ كادرلار دايارلايتىن بىردەن- ءبىر جوعارى وقۋ ورنى. ۋنيۆەرسيتەت 75 جىلعا جۋىق ۋاقىت ارالىعىندا ءوزىنىڭ قالىپتاسۋ جانە دامۋ جولىنان ءوتتى. ۇلت زيالىلارى قىزمەت اتقارعان ۇلاعات ۇياسىندا وسى ۋاقىت ارالىعىندا 60 مىڭنان استام بىلىكتى مامان دايارلاندى. ايتۋلى عالىمدارىمىز ءتۇرلى عىلىم سالالارىنا قاتىستى ىرگەلى زەرتتەۋ ەڭبەكتەرىن وسى ۋنيۆەرسيتەت قابىرعاسىندا جازىپ، ەل يگىلىگىنە اينالدىردى.

بۇگىندە قازاق مەملەكەتتىك قىزدار پەداگوگيكالىق ۋنيۆەرسيتەتى باكالاۆريات بويىنشا - 42، ماگيستراتۋرا بويىنشا - 23، PhD دوكتورانتۋرا بويىنشا 4 ماماندىق دايارلايدى. وقۋ ورنىنداعى 6 فاكۋلتەتتىڭ 27 كافەدراسى پەداگوگ كادرلاردى ازىرلەۋدى جۇزەگە اسىرۋدا. ال سىرتتاي وقۋ بولىمىندە 20 ماماندىق بويىنشا قاشىقتىقتان وقىتۋ تەحنولوگياسى قولدانىسقا ەنگىزىلگەن. بولاشاق پەداگوگ ماماندارعا 41 عىلىم دوكتورى، 193 عىلىم كانديداتى، 22 PhD دوكتورى، 202 عىلىم ماگيسترى ءبىلىم بەرەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى