گولوۆكين مەن الۆارەستىڭ ءۇشىنشى جەكپە- جەگى مەكسيكادا وتەتىن بولدى

ەكى بوكسشىنىڭ جۇدىرىقتاسۋى 2019 -جىلى مەكسيكادا وتەدى دەپ جازادى sports.kz.

بۇل تۋرالى Azteca Deportes باسىلىمىنىڭ ءتىلشىسى كارلوس اگيلار مالىمدەدى. ول «گولوۆكين- كانەلو» جەكپە- جەگى جايلى ماسەلە ءوز شەشىمىن تاپقانىن ايتتى.

«بەكىتىلدى! ساۋل الۆارەس پەن گەننادي گولوۆكين ءۇشىنشى جەكپە- جەگىن 2019 -جىلى مەسكيكادا وتكىزەتىن بولادى. الايدا، كەزدەسۋدىڭ ناقتى ۋاقىتى ءالى ايتىلماي جاتىر» ، - دەپ جازدى ول ءوزىنىڭ Twitter پاراقشاسىندا.

بۇعان دەيىن مەكسيكالىق بوكسشىنىڭ پروموۋتەرلەرى GGG  مەن جەكپە- جەكتىڭ مامىر ايىندا بولمايتىنىن ايتقان بولاتىن. ال، كانەلونىڭ ءوزى جىلىنا ەكى مارتە جۇدىرىقتاسۋدى جوسپارلاپ وتىرعانىن اشىق تۇردە ءبىلدىردى.

ول رينگكە مامىر جانە قىركۇيەك ايىندا شىقپاق.

وسىلايشا، ونىڭ ايتىپ وتىرعان كۇزدەگى ەكىنشى جەكپە- جەگى قازاقستاندىق سپورتشىمەن وتپەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى