تۇرعىن ۇيگە كەزەكتە تۇرعان استانالىقتار ءۇشىن قۇجات قابىلداۋ باستالدى
جەكەشەلەندىرۋ قۇقىعىنسىز «نۇرلى جەر» تۇرعىن ءۇي قۇرىلىس مەملەكەتتىك باعدارلاماسى اياسىندا استانا قالاسىنىڭ كوممۋنالدىق تۇرعىن ءۇي قورىندا كەزەكتە تۇرعان باسپاناعا مۇقتاج جاندار ءوتىنىم بەرە الادى.
اتاپ ايتقاندا، باعدارلاما شارتىنا سايكەس، استانا قالاسىنىڭ كوممۋنالدىق تۇرعىن ءۇي قورىنا مۇگەدەكتەر مەن ۇلى وتان سوعىسىنىڭ ارداگەرلەرى جانە ولارعا تەڭەستىرىلگەندەر، مۇگەدەك بالا تاريبەلەپ وتىرعان وتباسى، سوزىلمالى اۋرۋدىڭ كەيبىر تۇرلەرىمەن اۋىراتىن ادامدار، زەينەتكەرلەر مەن اتا- انا قامقورلىعىنسىز قالعان بالالار، ورالماندار، توتەنشە وقيعا مەن تابيعي اپات سالدارىنان باسپاناسىز قالعاندار، كوپبالالى وتباسى، مەملەكەتتىك نەمەسە اسكەري قىزمەتتى اتقارۋدا، وتباسى مۇشەسى ادام ءومىرىن قۇتقارۋدا نەمەسە قوعامدىق ءتارتىپتى ساقتاۋدا مەرت بولعان وتباسى باسپاناعا كەزەككە تۇرا الادى.
قۇجاتتار استانا قالاسى دوستىق كوشەسى، 13 مەكەنجايىندا ورنالاسقان باسقارمانىڭ 3 - كابينەتىندە ساعات 8.30 - 17.00 ارالىعىندا قابىلدانادى.
باسپانا الۋعا ۇمىتكەرلەر ءوتىنىم مەن وتباسى مۇشەلەرىن ايعاقتايتىن قۇجاتتار، ءوتىنىم بەرۋشى مەن وتباسىنىڭ مەكەنجايى تۋرالى انىقتاما، ەرلى- زايىپتىلاردىڭ نەكە كۋالىگى نەمەسە ءولىمى تۋرالى، بالالاردىڭ تۋۋى مەن نەكەنىڭ كۇشىن جويۋى تۋرالى انىقتامالار، ءوتىنىم بەرۋشى مەن وتباسىنىڭ قازاقستان رەسپۋبليكاسى اۋماعىندا تۇرعىلىقتى باسپاناسىنىڭ جوقتىعى تۋرالى انىقتاما، ءوتىنىم بەرۋشىنىڭ «تۇرعىن ءۇي قاتىناستارى تۋرالى» ق ر زاڭىنىڭ 67-بابىندا كورسەتىلگەن ساناتتارعا ساي ەكەنىن ايعاقتايتىن قۇجات، بىرلەسكەن تابىستىڭ ەڭ تومەنگى ءومىر ءسۇرۋ دەڭگەيىنىڭ 3,1 ەسە مولشەرىن راستايتىن انىقتاما اكەلۋى ءتيىس.
قاجەت بولعان جاعدايدا ازاماتتار قوسىمشا قۇجاتتار مەن كەيبىر دەرەكتەردى راستاۋ ءۇشىن استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنا شاقىرىلۋى مۇمكىن.
