مەملەكەت باسشىسى جاڭا جىلدى قالاي قارسى الاتىنىن ايتتى
«بالا كەزدەن بۇل مەرەكەنى ەرەكشە سەزىممەن كۇتىپ وستىك. وسكەندە دە بۇل ادەت جوعالمايدى. جاڭا جىل قانداي دا ءبىر قۇپيا، ەلىكتىرەتىن جاڭا ءۇمىت بولىپ كورىنەدى. قازىر دە بالالارىممەن بىرگە، ءدال وسىنداي سەزىممەن كۇتەمىن. دەگەنمەن، ءبىزدىڭ جاڭا جىلىمىز - ناۋرىز. مىنا جاڭا جىلدى 1 پەتر ەۋروپادان اكەلگەن. ورىستاردىڭ دا جاڭا جىلى باسقا ەدى. مىنە، ءسىڭىپ كەتتى»، - دەپ كۇلدى پرەزيدەنت.
سونىمەن بىرگە، نۇرسۇلتان نازاربايەۆ جاڭا جىلعا قۋانىشتى سەزىممەن بىرگە الاڭداۋشىلىق تا بار ەكەنىن جاسىرمادى.
«مەن ءۇشىن جاڭا جىلدىڭ باسقا دا ماعىناسى بار. بىردەن كەلەسى جىلدىڭ كەستەسىن ويلاستىرامىن. ءبىزدىڭ كەستە تۇتاس ءبىر جىلعا جاسالادى. الەمدىك ەكونوميكا مەن ساياسات تۋرالى الاڭداۋشىلىق تا بار. تولعان قاراما-قايشىلىقتار ءبىزدىڭ ەكونوميكا مەن ومىرىمىزگە قالاي اسەر ەتەدى؟ قازاقستان قاي ۇستانىمدا قالۋى ءتيىس؟ قانداي كەلىسسوزدەر جۇرگىزۋ كەرەك؟ وسىنداي ارالاس سەزىممەن قۋانىشتى مەرەكەنى كۇتەمىن جانە 12 دەن كەيىن قالىپتى ءومىر باستالىپ كەتەدى»، - دەپ اتاپ ءوتتى ەلباسى.
