نۇرسۇلتان نازاربايەۆ: تۇركىستان ۇلكەن قالا بولسا دەگەن ارمان بار
«بىزگە ميلليون ادام تۇراتىن قالالار كەرەك. ميلليون تۇرعىنى بار قالادا - عىلىم دا، مادەنيەت تە، ءبىلىم دە داميدى. بۇكىل الەمدە سولاي. كەلەشەكتە الەمدە ءىرى 600 قالا - مەگاپوليس بولادى دا، نەگىزگى باسەكە سولاردىڭ اراسىندا ءوربيدى دەپ ايتىلىپ جاتىر. ادامدار سونداي قالالاردا ءومىر سۇرگىسى كەلەتىن بولادى. سونداي قالالاردى كوبەيتۋ كەرەك. تاۋەلسىزدىك العالى بەرى سونداي ميلليون تۇرعىنى بار ءۇش قالامىز بار. ەندىگى بولسىن دەگەن ويىم - اقتوبە، مۇمكىن قاراعاندى. ۋربانيزاتسيا ءبارىبىر ءجۇرىپ جاتىر»، - دەدى نۇرسۇلتان نازاربايەۆ.
پرەزيدەنتتىڭ ايتۋىنشا، ا ق ش- تا حالىقتىڭ تەك 2 پايىزى عانا اۋىلدا تۇرادى.
«ونداعى اۋىل حالقى ءوزىن اسىراماق تۇگىلى، اۋىل شارۋاشىلىعى ونىمدەرىن ەكسپورتتاپ جاتىر. ال بىزدە اۋىلدا حالىقتىڭ 43 پايىزى تۇرادى. سوندىقتان، بۇل ماسەلە ەل ءۇشىن دە ساياسات پەن تاريح ءۇشىن دە وتە ۇلكەن ماسەلە دەپ سانايمىن. تۇركىستاندى كوتەرسەك، از جىلدىڭ ىشىندە 300 مىڭ حالقى بار شاھار بولىپ شىعادى. مەن ونىڭ قۇرىلىسىن بەكىتتىم. ەڭ بىرىنشىدەن، اكىمدىكتىڭ ورتالىعى، بارلىق دەپارتامەنتتەر، ءۇيدىڭ قۇرىلىسى، مادەني نىساندار تۇرعىزىلعاننان كەيىن بىرنەشە مۋزەيىن، مىسالى قازاق حاندىعىنىڭ تاريحى، تۇركى دۇنيەسىنىڭ تاريحى دەگەندەي سالۋ كوزدەلۋدە»، - دەدى ەلباسى.
پرەزيدەنتتىڭ ايتۋىنشا، تۇركىستاندا قازاقستاننىڭ تاريحي جادىگەرلەرى جيناقتالىپ، اۋەجاي مەن تەمىر جول ۆوكزالى جوندەلسە، قالا بۇدان دا بەتەر دامي تۇسەتىنىن ايتتى.
«قازىر سول ارقىلى «باتىس قىتاي-باتىس ەۋروپا» دەگەن ءدال ورتاسىنان ءدالىز ءجۇرىپ جاتىر. جول بار. سوندا وركەندەپ-ءوسىپ، تۋريستەردى تارتىپ، اقىرى تۇركىستان ۇلكەن قالا بولىپ شىقسا دەگەن ارمان بار. جىلى جاقتى جاقسى كورگەندەر سول جاققا بارىپ تۇرسىن. سەرگەك بولامىن دەگەندەر وسىندا (استاناعا) كەلسىن (كۇلدى)»، - دەپ ءسوزىن اياقتادى نۇرسۇلتان نازاربايەۆ.
