قازاقستاندا ۇلەسكەرلىك قۇرىلىس نارىعى قىسقارمايدى

«ورتاشا مەرزىمدى بولاشاقتا ۇلەسكەرلىك قۇرىلىس نارىعى ايتارلىقتاي قىسقارمايدى، كەرىسىنشە، ودان ءارى دامي تۇسەدى» ، - دەدى «تۇرعىن ءۇي قۇرىلىسىن كەپىلدەندىرۋ قورى» ا ق باسقارما ءتوراعاسى دانيار جۇماشوۆ وكق- دا وتكەن بريفينگتە.

 «2007-2008 -جىلدارى ۇلەسكەرلىك نىسانداردىڭ شامامەن 90 پايىزى تۇرعىندار قاراجاتىنىڭ ەسەبىنەن قارجىلاندىرىلعان. ءىس جۇزىندە، قارجىلاندىرۋدىڭ مۇنداي قۇرىلىمى وتە قاۋىپتى. ءۇيدى سالۋشى جوبالىق باعانىڭ 30-40 پايىزىنا ءوز قاراجاتىن، ال 70 پايىزىنا - تۇرعىنداردىڭ اقشاسىن قۇيعان جاعدايدا ورىندى تەڭگەرىم (بالانس) بولادى» ، - دەپ قوستى ول.

 بۇل رەتتە، ول ءۇي سالۋشىلارعا بۇل بالانستى استانا جانە الماتى قالالارىندا ورىنداۋ الدەقايدا قيىن دەپ سانايدى.

 «كوپتەگەن قۇرىلىسشىلاردىڭ بىرنەشە نىساندى سالۋى سەبەبىمەن، ءاربىر نىسانعا ءبىر ۋاقىتتا 30 پايىز قاراجات تابۋ قيىن. ءبىراق ايماقتىق سالۋشى ءبىر نەمەسە 2 نىسان سالسا، بۇل ابدەن مۇمكىن» ، - دەپ اتاپ ءوتتى د. جۇماشوۆ.

كاميلا اميروۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى