سارى مايدىڭ پايداسى

سارى مايداعى حولەستەريننەن قورقىپ، ونى وسىمدىك مايلارىمەن الماستىرعان جاندار نەدەن قۇر قالادى؟ سارى مايدىڭ پايداسى قانداي؟

جىلۋ مەن كۇش-قۋات

سارى ماي ءسۇت مايىنىڭ كونسەنتراتى بولىپ تابىلادى. ال ماي ءبىرىنشى كەزەكتە جىلۋدىڭ قاينار كوزى. مايدىڭ بۇل قاسيەتى اسىرەسە سۋىق كەزەڭدە پايدالى. ارينە سارى ماي كالوريالىعى وتە جوعارى (100 گرامدا 730 ككال)، وعان قوسا مايلارى اعزاعا وڭايلىقپەن سىڭەدى. ءبىراق سارى مايدىڭ بۇل قاسيەتتەرىن دە ءوزىمىزدىڭ پايدامىزعا اسىرۋعا بولادى.

تاڭعى اس قۇرامىنا ءداستۇرلى نان مەن ماي بۋتەربرودى وتە ورىندى. بۇل ءتىپتى ارىقتاپ جۇرەتىن قىزدارعا دا ارتىق بولمايدى، كۇنىنە 30 گرامنان ارتىق ەمەس ماي ءسىزدىڭ سالماعىڭىزعا ەش اسەر ەتپەيدى.

دارۋمەندەر

سارى مايداعى А, D, E, K  دارۋمەندەرى تەرىنىڭ جۇمساقتىعى، شاشتىڭ ادەمىلىگى مەن تىرناقتىڭ ساۋلىعىنا ۇلكەن اسەر ەتەدى.

مىسالعا ايتساق، А دارۋمەنى مايلاردىڭ اراسىندا تەك وسى سارى مايدا بار. كۇنىنە جەلىنگەن 50 گرام ماي كوز بەن سۇيەك ساۋلىعىنا كەپىل بولا الادى. يممۋنيتەتتى جاقسارتاتىن مايدى سۋىق ماۋسىمدا 60-70 گرامعا دەيىن كوبەيتكەن دۇرىس. А دارۋمەنىنە بايلانىستى ماي تىنىس مۇشەلەرىن ىشىنەن «مايلاپ»، جوتەلدەن ەمدەلۋدى تەزدەتەدى. ال E دارۋمەنى قان تامىرلارىن تازالاپ، بەرىك قىلادى، شارشاعاندىق سەزىمىن باسادى.

كوڭىل-كۇي

ءبارىمىز دە شوكولاد قۇرامىندا باقىت گورمونى سەروتونين بار ەكەندىگىن بىلەمىز. الايدا بۇل گورمون سارى ماي قۇرامىندا دا بار ەكەندىگىن بىلە بەرمەيمىز. سەروتونين تەك كوڭىل كۇيدى كوتەرىپ قانا قويماي ۇيقىنى رەتتەپ، اۋرۋ سەزىمىن، اشتىقتى باسا الادى.

مي جۇمىسى

ءسۇتتىڭ مايلارى ادام اعزاسىنداعى جاسۋشالار الماسۋى ءۇشىن وتە ماڭىزدى. بۇنداي قوسىلىستار اسىرەسە ميدا كوپ. سارى مايدان تولىقتاي باس تارتۋ مي جۇمىسىنداعى قيىندىقتارعا اكەلە الادى. بۇل اقىل مەن وي-ورىسكە زيانىن تيگىزۋى مۇمكىن.

حولەستەرين

حولەستەرين ۇعىمىن بۇرىننان بەرى دەنساۋلىققا زيانى بار زات دەپ سانايمىز. ءبىراق قاجەتتى مولشەردە حولەستەرين اعزامىزعا وتە قاجەت. اعزانىڭ حولەستەريندەگى قاجەتتىلىگىن باسۋ ءۇشىن سارى مايدى كۇنىنە 30 گرام شاماسىندا قابىلداۋ كەرەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى