قاز ۇ ۋ تۇركى الەمىنىڭ ۇزدىك ۋنيۆەرسيتەتى اتاندى
تۇركى حالىقتارىنىڭ دۇنيەجۇزىلىك كونگرەسىنىڭ پرەزيدەنتى ياحيا اليەۆ قۇتتىقتاۋ سوزىندە جەتەكشى قازاقستاندىق ۋنيۆەرسيتەتتىڭ جوعارى جەتىستىكتەرىن، ونىڭ زور عىلىمي- يننوۆاتسيالىق الەۋەتى مەن قارقىندى دامۋىن اتاپ ءوتتى. رەكتور عالىم مۇتانوۆتىڭ باسشىلىعىمەن اۋقىمدى وزگەرىستەر جۇزەگە اسىرىلدى، بۇل قاز ۇ ۋ- دىڭ حالىقارالىق رەيتينگىلەردە ايتارلىقتاي تابىستارعا جول اشتى. اتالمىش وزىق تاجىريبەنى الەمنىڭ باسقا جوعارى وقۋ ورىندارى ىگەرۋدە، ال تۇركى تىلدەس ەلدەردىڭ ۋنيۆەرسيتەتتەرى ءۇشىن ول ۇلكەن ۇلگى.
سونىمەن بىرگە، ول شىعىس فيلوسوفى مەن ۇلى ويشىلى - ءال-فارابيدىڭ ەسىمى بەرىلگەن قاز ۇ ۋ الەمدە كەڭىنەن تانىمال ەكەندىگىن اتاپ ءوتتى. ۋنيۆەرسيتەت تۇركى ەلدەرىنىڭ جوعارى وقۋ ورىندارى اراسىنداعى ىنتىماقتاستىقتى نىعايتۋ بويىنشا ۇلكەن جۇمىس اتقارىپ كەلەدى. ال ۋنيۆەرسيتەتتىڭ جەتەكشى پوزيتسيالارى - مەملەكەت تاراپىنان ادام كاپيتالىن دامىتۋعا ەرەكشە نازار اۋدارىلۋدا ەكەندىگىنىڭ جانە دە قازاقستاندىق جوعارى ءبىلىم جۇيەسىنىڭ بيىك دەڭگەيىنىڭ بەلگىسى.
ايتا كەتەرلىگى، تۇركى حالىقتارىنىڭ دۇنيەجۇزىلىك كونگرەسى - حالىقارالىق قوعامدىق بىرلەستىك. ونىڭ قىزمەتى تۇركىتىلدەس مەملەكەتتەر اراسىنداعى ءبىلىم، عىلىم جانە مادەنيەت سالاسىندا ىنتىماقتاستىق پەن دوستىق قاتىناستاردى نىعايتۋعا باعىتتالعان.
