جىلدى قالاي قورىتىندىلايمىز؟

 ءسىز ءۇشىن يت جىلى قالاي ءوتتى؟ قانداي جەتىستىككە جەتتىڭىز؟ كەلەر جىلعا نە جوسپارىڭىز بار؟ بۇل سۇراقتارعا جاۋاپ تابۋ كوپ ۋاقىت الماس. ەسەسىنە وزىڭىزگە ءوزىڭىز ەسەپ بەرىپ، كەلەر جىلعا جارقىن جوسپار قۇرا الاسىز. ول ءۇشىن ءۇش دۇنيەنى ەسكەرە كەتكەن دۇرىس. ءبىرىنشى بيىلعى جەتىستىكتەرىڭىزدى ءتىزىپ جازىڭىز. ەكىنشىدەن بيىل قانشا ۋاقىتىڭىزدا قايدا جۇمساعانىڭىزدى ەسكە ءتۇسىرىڭىز. ۇشىنشىدەن كەلەر جىلعا جوسپار قۇرىڭىز.

 1. بيىلعى 20 جەتىستىگىڭىزدى جازىڭىز. ول جاڭا قىزىعۋشىلىقتارىڭىز، جۇمىستا دارەجەڭىزدىڭ ءوسۋى، وزگە دە پايدالى دۇنيەلەر بولۋى مۇمكىن. ءبىز ايتقان 20 دان كوپ بولسا دا، ارتىق ەتپەيدى. ادام ەسىندە جەتىستىك كوپ ساقتالمايدى. كەرىسىنشە قيىندىقتار، بىتپەي قالعان ءىس پەن قاتەلىكتەر قالىپ وتىرادى. سوندىقتان دا جەتىستىكتى جازىپ، ءبىر مارقايىپ الۋعا بولادى. جەتىستىكتەرىڭىز ەسكە تۇسپەي جاتسا، الەۋمەتتىك جەلىلەردەگى جازبالارىڭىزدى ءبىر شولىپ شىعىڭىز. جەتىستىكتى ءار اپتا سايىن جازىپ جۇرۋگە داعدىلانعان دا ءجون. بۇل ءوزىڭدى قاناتتاندىرىپ، جاڭا جاقسى قىرىڭنان تانىلۋعا جول اشادى.

 2. ءوتىپ بارا جاتقان جىلدا كوپ ۋاقىتىڭدى نەگە ارنادىڭىز؟ كوبىنە ءبىرجاقتى عانا جۇمىس جاساپ، ەكىنشى تۇسىن ۇمىتىپ جاتامىز. ماسەلەن مانساپقا كوپ كوڭىل بولەمىز دەپ، جاقىن جانداردان الىستاپ كەتەتىنىمىز بار. ول ءۇشىن اقىل- وي، دەنە ءبىتىم، كوڭىل- كۇي، مانساپ، قارجى، قارىم- قاتىناس پەن دەمالىستى ءبىر تەڭدىكتە ۇستاپ ۇيرەنۋ كەرەك. كەلەر جىلعا باستى جوسپار وسىدان باستالادى.

 3. كەلەر جىلعا جوسپارلاعان ەڭ باستى ءۇش ماقساتىڭىزدى جاز. ارمان ەمەس، ماقسات بولۋ كەرەك. ءوزىڭىز ءۇشىن ماڭىزى جوعارى بولعانى ابزال. جوسپار كەزىندە ۋاقىتىن (ايى، كۇنىن) جازۋدى دا ۇمىتپاعان ءجون. بۇل جوسپاردىڭ تولىقتاي ورىندالۋىنا كوپ كومەگىن تيگىزەدى. كەلەر جىل ءسىز ءۇشىن تابىستى بولۋىنا تىلەكتەسپىز! جوسپارلارىڭىز %100 جۇزەگە اسىپ، جەتىستىك شىڭىن باعىندىرا بەرىڭىزدەر!

Massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى