قازاقستان ازاماتشاسى وڭتۇستىك كورەيادان فابريكا اشتى
قازىر گالينا اليموۆا ينچحون قالاسىنداعى كوسمەتيكالىق فابريكانىڭ يەسى. ونىڭ زاۋىتىنىڭ ونىمدەرى وڭتۇستىك كورەيادا عانا ەمەس قىتاي، جاپونيا، ەۋروپا ءتىپتى امەريكادا سۇرانىسقا يە.
گالينا ءوز ونىمدەرىنىڭ كەيبىرەۋىنە قازاقشا اتاۋ بەرگەن. دەگەنمەن ونىڭ جاسالۋ جولى مەن قۇرامىن جاسىرىن ۇستايدى. جالپاق جۇرتقا بەلگىلىسى كوسمەتيكالىق زاتتارعا التىن ۇنتاعى قوسىلادى ەكەن. كومپانيادا ون ادام جۇمىس ىستەيدى. ولاردىڭ ەكەۋى قازاقستان ازاماتى. ولار ينچحونداعى كاسىپورىندا تاجىريبە جيناقتاپ، بىلىكتىلىكتەرىن ارتتىرىپ ءجۇر. ويتكەنى كەلەسى جىلى جەرلەسىمىز ءوز وتانىندا زاۋىت اشۋدى جوسپارلاعان.
كاسىپكەردىڭ ايتۋىنشا، قازاقستاندا كوسمەتيكا جاساۋعا قاجەتتى شيكىزات جەتكىلىكتى.
«2019 -جىلى اشام دەگەن ويدامىن. ءوزىم تۋعان ەلىمە، حالقىما كومەكتەسكىم كەلەدى. ءوزىمدى كورسەتكىم كەلەدى»، - دەيدى زاۋىت باسشىسى گالينا اليموۆا.
