قاڭتاردان باستاپ ۇيالى تەلەفوندار جاپپاي وشىرىلمەيدى - اقپارات مينيسترلىگى

«قازىرگى تاڭدا بارلىق ۇيالى بايلانىس وپەراتورلارىنىڭ جەلىلەرىندە تىركەلگەن ابونەنتتەردىڭ سانى جالپى كورسەتكىشتىڭ 80 پايىزىنان اسىپ جاتىر. بارلىق ابونەنتتەرىمىز ءۇشىن بۇل ءراسىمدى ەڭ وڭاي جانە قولايلى تاسىلدەرمەن جۇرگىزۋ ءۇشىن بارىنشا جاعداي جاسادىق. ەڭ وڭاي جانە ەڭ قولايلى ءادىس- امال «اكتيۆ» جانە «كسەلل» جەلىلەرىندە.

 ياعني، 6006 دەگەن قىسقا نومىرىنە س م س- حابارلاما جولداۋ ارقىلى تەلەفوندى تىركەۋگە بولادى. نەمەسە تەلەفونىڭىزدا جۇلدىزشا - 660 - تور قىسقا نومىرىنە قوڭىراۋ شالىپ، بەرىلگەن نۇسقاۋلار بويىنشا ءوز نومىرلەرىڭىزدى تىركەۋگە بولادى. ەگەر بۇل ابونەنتتەر شەتەلدە بولاتىن بولسا، ولار ۆاتساپ، تەلەگرام قوسىمشالارىنداعى ارنايى ارنالار ارقىلى نومىرلەرىن تىركەي الادى»، - دەيدى «كسەلل» ا ق مەملەكەتتىك ورگاندارمەن جۇمىس اتقارۋ باعىتىنداعى ساراپشىسى اسلان ابجاقوۆ و ك  ق- دا وتكەن باسپا ءسوز ءماسليحاتىندا.

ءوز كەزەگىندە ق ر اقپارات جانە كوممۋنيكاتسيالار مينيسترلىگى تەلەكوممۋنيكاتسيا كوميتەتى ءتوراعاسىنىڭ مىندەتىن اتقارۋشى ۆيتالي ياروشەنكو 1 - قاڭتاردان باستاپ قۇرىلعىلار (ۇيالى تەلەفوندار) جاپپاي وشىرىلمەيتىنىن اتاپ ءوتتى.

«ابونەنتتىك قۇرىلعىلاردى جاپپاي ءوشىرۋ دەگەن ءبىزدىڭ ەرەجەدە دە قاراستىرىلماعان. 1 - قاڭتاردا - ابونەنتتىك قۇرىلعىعا قويىلعان سيم- كارتانى اۆتوماتتى تۇردە تىركەۋ جۇرگىزىلەدى. ول ۋاقىتقا دەيىن قولدانۋشى ءوزى تۋرالى مالىمەتتى تولىققاندى ەتىپ الۋعا مۇمكىندىك بار. ال جاڭا جىلدان كەيىن بەلگىلى ءبىر مالىمەتتى وزگەرتۋ سىزگە قيىنعا ءتۇسۋى مۇمكىن. سەبەبى، كوپ ادامدار سيم- كارتانى ساتىپ الىپ، ءوز اتىنا تىركەمەگەن»، - دەيدى ول.

ۆيتالي ياروشەنكونىڭ ايتۋىنا قاراعاندا، ادامدار ءالى كۇنگە دەيىن تىركەلمەگەن سيم- كارتامەن ءجۇر.

«ءبىراق، 1 -قاڭتاردان باستاپ سيم- كارتالاردىڭ ءبارى دە قۇرىلعىلارعا بايلانىستىرىلادى. مىنە، سوندىقتان ۇيالى بايلانىس وپەراتورلارى قازىرگى تاڭدا ءوزى قىزمەت كورسەتەتىن قولدانۋشىلاردىڭ مالىمەتتەر بازاسىن جاڭارتىپ جاتىر»، - دەدى ول.

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى