جاڭا جىل تۇنىندە استانانىڭ مۇز قالاشىقتارىندا قانداي شارالار وتەدى
باسقارما تاراتقان مالىمەتتەرگە قاراعاندا، 31 - جەلتوقساندا «حان شاتىر» س و س و جانە ەلوردا اكىمدىگىنىڭ الدىنداعى قالالىق الاڭدا ورنالاسقان مۇز قالاشىقتارىندا حالىقتىق سەرۋەندەر وتەدى.
جينالعان قاۋىم ساعات 21:00-دەن تاڭعى 03:00-گە دەيىن ءتۇرلى ويىن- ساۋىقتارعا قاتىسىپ، كونسەرتتەر تاماشالايدى. ءالي وقاپوۆ، دوس، اعايىندى جۇگۇنىسوۆتەر، رينات مالتساگوۆ،
Ziruza, The Limba «ديارت» توبى، «كيليماندجارو» جانە باسقالارى ءوز ونەرلەرىن ورتاعا سالادى.
2019 -جىلدىڭ قۇرمەتىنە تۇندە «حان شاتىر» س و س و اۋماعىندا، ەسىل وزەنىنىڭ جاعاسىندا جانە پۋشكين كوشەسى مەن ابىلاي حان داڭعىلىنىڭ قيىلىسىندا مەرەكەلىك وتشاشۋ بولادى.
بۇدان باسقا، ەلوردا تۇرعىندارى مەن قوناقتارى سىرعاناقتار مەن مۇز قالاشىقتارىندا، مۇز ايدىندارىندا دەمالىستارىن قىزىقتى وتكىزە الادى. بيىل «حان شاتىر» س و س و مەن اكىمدىك الدىنداعى قالالىق الاڭدا، بوتانيكالىق باق اۋماعىندا «Astana Winter Land» قىسقى ويىن- ساۋىق فەستيۆالى ۇيىمداستىرىلادى. دەمالىس جانە مەرەكە كۇندەرى مۇندا قاردا ويناپ، سۇيىكتى مۋلتفيلمدەردىڭ كەيىپكەرلەرىمەن سۋرەتكە تۇسۋگە بولادى. ال انيماتورلار قوناقتارعا كوتەرىڭكى كوڭىل- كۇي سىيلايدى. مۇندا ءبارى ەرتەگىدەگىدەي: قار بۇرشىكتەرى، ورمان جانۋارلارى، توقاشتان جاسالعان ۇيلەر، ورمان تۇرىندەگى جانە اياز اتا مەن اقشاقاردىڭ مۇز ينستاللياتسيالارى جاسالعان.
«Astana Winter Land» فەستيۆالىنىڭ قوناقتارىن كوڭىلدى انيماتورلار قۇشاق جايا قارسى الادى. ولار «كولىكتەر» ، «كۇشىكتەر پاترۋلى» اتىشۋلى مۋلتفيلمدەرىنىڭ كەيىپكەرلەرىمەن، ەرگەجەيلىلەرمەن، اققالامەن جانە ترولدەرمەن كەزدەسەدى.
بۇدان باسقا، بويشاڭ قۋىرشاقتارمەن ەستەلىككە ادەمى سۋرەتكە تۇسۋگە بولادى. اتاپ ايتقاندا، دوڭىز پەپپا مەن دجوردج، ۇرلەنگەن ايۋلار، ءتىسسىز ايداھار، گرۋت، حالك، دينوزاۆر، تەمىر ادام، ۇلكەن پوني، بارس، سايقىمازاق، باگز بانني قويانى، لول قۋىرشاعى، لەگو نيندزياگو، لەگومەن، ماۋي، لۋنتيك. جينالعان قاۋىم اققالامەن، پينگۆينمەن جانە كىشكەنتاي ايۋ ۋمكامەن وينايدى، فيكسيك نوليكتى، شرەك پەن فيونانى، الا تىشقانداردى، ءاللاديننىڭ سيقىرلى شامىنىڭ پەرىسىن جانە دونالد داكتى كورە الادى.
وسىنداي عاجايىپ مەرەكەدە پينگۆيندەر مەن «سالقىن جۇرەك» مۋلتفيلمىنەن ولافتار فلەشموبىن تاماشالاۋعا بولادى. سانتا كلاۋستىڭ كوستيۋمىن كيگەن بارابانشىلار دا كوپشىلىككە كوتەرىڭكى كوڭىل- كۇي سىيلايدى. فەستيۆالدى ۇيىمداستىرۋشىلار بەلسەندى دەمالىستى ۇناتاتىندارعا الىپ حوككەي ويىنىن، ۇرلەنگەن اتتارعا ءمىنۋدى، تيىننىڭ دوڭگەلەگىندە جۇگىرۋدى، باسقا دا كوپتەگەن قىزىقتى ۇسىنادى.
حالىقتىڭ سۇيىكتى مۋلتفيلمدەرىنىڭ كەيىپكەرلەرى، قىزىقتى ويىندار مەن فلەشموبتار ءار دەمالىس جانە مەرەكە كۇندەرى ساعات 13.00-دەن كەشكى 20.00-گە دەيىن ءوز كورەرمەندەرى مەن قاتىسۋشىلارىن كۇتەدى. «Astana Winter Land» فەستيۆالى ءۇش مۇز قالاشىعىندا 2019 -جىلدىڭ اقپان ايىنىڭ سوڭىنا دەيىن وتەدى.
ەلوردالىق مادەنيەت مەكەمەلەرىندە جاڭا جىل مەرەكەسىنە وراي ۇيىمداستىرىلاتىن شارالار جوسپارى تىركەلگەن.
