پلاستيك ىدىستار ادام دەنساۋلىعىنا قاۋىپتى
زەرتتەۋلەرگە قاراعاندا كۇندەلىكتى تۇتىناتىن ازىعىمىزدى مۇنداي پلاستيك كونتەينەرلەرمەن الىپ ءجۇرۋ (نەمەسە سول ىدىستاعى تاماقتى جەۋ) ادام دەنساۋلىعىنا قاۋىپ توندىرەدى ەكەن. ءبىر سوزبەن ايتقاندا - زيان. نە ءۇشىن تاماقتى كونتەينەردە ساقتاۋ قاۋىپتى؟ پلاستيك ىدىستار وتكەن عاسىردىڭ ورتالارىنان باستاپ وندىرىلە باستادى. ولار العاش رەت «Tupperware» ماركاسىمەن ساتىلىمعا شىقتى. بۇل ماركاداعى تاماق ساقتايتىن ىدىستار قازىر دە بار. اتالعان كومپانيا ءار- ءتۇرلى پىشىندەگى ساپالى ىدىستار وندىرەدى. ءبىراق، بارلىق كونتەينەر وندىرۋشىلەر ساپالى ىدىستاردى جاساي بەرمەيدى.
كونتەينەر- ىدىستار نەگىزىنەن پوليكوربونات پلاستيگىنەن جاساپ شىعارىلادى. تاماقتى ميكروتولقىندى پەشكە سالىپ قىزدىرۋ كەزىندە بيسفەنول ا دەپ اتالاتىن حيميالىق ەلەمەنت بولىنەدى. ونى پلاستيك ىدىستى قاتايتۋ ءۇشىن 50 جىلدان بەرى پايدالانادى. قىزدىرۋ كەزىندە حيميالىق ەلەمەنت تاماق قۇرامىنا وتەدى ەكەن.
بيسفەنول ادام اعزاسىنا نەسىمەن زياندى؟
بيسفەنول - ەستروگەننىڭ بالاماسى. ول مي مەن رەپرودۋكتيۆتى جۇيەگە اسەر ەتەدى. بيسفەنول - جۇكتى ايەلدەر مەن بالا ەمىزەتىن انالار ءۇشىن وتە قاۋىپتى ەلەمەنت. بۇل حيميالىق ەلەمەنتتىڭ انا اعزاسىنا ءتۇسۋىنىڭ سوڭى بالانىڭ كەمىس بولىپ تۋىلۋىنا الىپ كەلەدى. سونىمەن بىرگە، بيسفەنول قاتەرلى ىسىك اۋرۋلارىن دامىتادى. اسىرەسە، بالالارعا پلاستيك ىدىسپەن ءسۇت بەرۋدەن اۋلاق بولىڭىز. قۇرامىندا بيسفەنول بار مۇنداي ىدىستار ءسابي ءتىسىنىڭ دامۋىنا كەدەرگى كەلتىرەدى. سوندىقتان دارىگەرلەر ۇنەمى پلاستيك ىدىستاردان پايدالانباۋ كەرەك ەكەندىگىن ايتادى.
Massaget.kz
