مەيىرىمدىلىك تىزبەگى: استانالىقتار سۋىق كۇندە كولىكتەرىمەن تۇرعىنداردى تەگىن تاسۋدا
قۋانىشقا وراي، كۇننىڭ سۋىعى ادامداردىڭ جۇرەگىن كەرىسىنشە جىلىتقانداي. ايالدامادا توڭىپ، اۆتوبۋس كۇتكەن استانالىقتاردى ءوز كولىكتەرىمەن تەگىن تاسىپ جۇرگەن ازاماتتار سانى كوبەيىپتى.
فەيسبۋك الەۋمەتتىك جەلىسىندە استانالىق تۇرعىندار مەيىرىمدىلىك تانىتقان ازاماتتارعا العىسىن ءبىلدىرىپ، جاقسى ادامداردىڭ كوپ ەكەنىن ايتادى.
ءوزىن جۇمىسىنا دەيىن تەگىن جەتكىزىپ تاستاعان ازاماتتاردىڭ ارەكەتىنە قايران قالعانىن ايتقان سۆەتلانا زينوۆيەۆانىڭ جازباسىنا كوپشىلىك جاعىمدى پىكىرلەر قالدىرىپ، باسقا دا استانالىقتاردىڭ قايىرىمدىلىقتارىن جارىسا جازۋدا.
«مەنى تاڭەرتەڭ جۇمىسقا تەگىن جەتكىزىپ تاستاعان دارحان مەن مارات ەسىمدى جىگىتتەرگە العىسىم زور. قالاداعى جىلى ايالدامالار تەك جەلدەن عانا قورعايدى. سول ايالدامادا اۆتوبۋستى كۇتىپ تۇرعانىمىزدا، ءبىر جاس ازامات كىرىپ، باراتىن جەرىمىزگە تەگىن جەتكىزىپ سالاتىنىن ايتتى. جولاۋشىلاردىڭ ىشىندە مەن عانا كەلىستىم، قالعاندارى كۇماندانىپ وتىرمادى. كولىككە وتىرعاننان كەيىن مەن ولاردان نەگە تەگىن اپارۋعا كەلىسكەندەرىن سۇرادىم. سۋىقتى كولىك ىشىندە سەزىپ وتىرعاندىقتان، سىرتتا تۇرعاندار قاتتى توڭعان شىعار دەگەن ويمەن اپارۋدى ءجون ساناعاندارىن ايتتى» ، - دەپ جازعان سۆەتلانا.
ايەلدىڭ وقيعاسىن وقىعان جەلى قولدانۋشىلارى وزدەرىنىڭ باسىنان وتكەن جاقسىلىق ەستافەتاسى جالعاسىن تاپقانىن جارىسا جازدى.
«ءبىزدى ارىپتەسىمىز ەكەۋمىزدى، ايالدامادا تۇرعان تاعى ءبىر كەلىنشەكتى ادىلەت ەسىمدى ازامات ۇيگە دەيىن جەتكىزىپ سالدى. ءبىزدى جەتكىزگەن سوڭ الگى ايەلدى ۇيىنە اپارۋعا الىپ كەتتى. وعان ءتىپتى جول- جونەكەي ەمەس ەدى، اقشانى دا المادى» ، «ۇلىم ەكەۋمىزدى دە ءبىر جىگىت كولىگىمەن اكەلدى. جاس بالا ايالداماعا كەلىپ، كۇتىپ تۇرعان جولاۋشىلاردى جەتكىزىپ سالۋدى ۇسىندى. وسىلايشا مەن ۇلىممەن، تاعى ءبىر ايەلدى كولىگىنە وتىرعىزىپ، باراتىن جەرىمىزگە جەتكىزىپ سالدى» ، «مەنى دە بۇگىن فورما كيگەن ازامات جەتكىزىپ سالدى. سىزدەرگە اللا رازى بولسىن!» سىندى پىكىرلەر مينۋت ساناپ كوبەيىپ جاتىر.
سونىمەن قاتار، باسقا جەلى قولدانۋشىلارى استانالىقتاردىڭ مۇنداي ارەكەتتەرىنە ءتانتى بولىپ، مەيىرىمدى ادامداردىڭ كوبەيىپ جاتقانىنا ريزا ەكەندەرىن ايتىپ، جاقسىلىق ەستافەتاسىن توقتاتپاي جالعىستىرۋلارىن سۇرادى.
Stan.kz
