قازاقستان التى ەلگە بەنزين ەكسپورتتاۋدى كوزدەپ وتىر
دەپ حابارلايدى قازاقپارات ءتىلشىسى.
«قىرعىزستاننان ءبىر اپتا بۇرىن جاۋاپ كەلدى. وسى اپتادا نەمەسە قاڭتاردىڭ العاشقى ون كۇندىگىندە ءتيىستى ورگاندامەن كەلىسىپ الساق، مەنىڭ ورىنباسارىمدى قىرعىزستانعا جىبەرەتىن بولامىز. قول قويسا (...)، اقپان ايىنان باستاپ قىرعىزستانعا ەكسپورتتى باستايمىز. وسىنداي ماسەلەلەردى ارمەنيا جانە بەلارۋسپەن دە تالقىلاپ جاتىرمىز. ولاردىڭ وزدەرى «بەنزيندى ساتىپ الايىق» دەپ سۇراپ جاتىر. سوندىقتان، بۇل ماسەلە ەۋرازيالىق ەكونوميكالىق وداققا كىرەتىن مەملەكەتتەرمەن تالقىلانۋ ۇستىندە»، - دەدى مينيستر.
سونىمەن بىرگە، قانات بوزىمبايەۆ ەۋرازيا ەكونوميكالىق وداعىنا ەنبەيتىن وزبەكستان جانە تاجىكستان ەلدەرىنە دە بەنزيندى ەكسپورتتاۋ تۋرالى ءسوز قوزعادى. ءمينيستردىڭ ايتۋىنشا، قۇجات جۇمىستارى اياقتالعان جاعدايدا ناۋرىز ايىنان باستاپ وزبەكستانعا جانە تاجىكستان، اۋعانستانعا بەنزيندى تاسىمالداۋعا جول اشىلادى.
«سوندىقتان، بۇل ماسەلەنى ءبىر ەكى ايدىڭ ىشىندە شەشەتىن بولامىز دەگەن ويدامىن»، - دەدى قانات بوزىمبايەۆ.
اۆتور: ايان بەكەن ۇلى
