قىتاي مەن قازاقستان بىرلەسىپ تۇسىرگەن كوركەم فيلم كەلەر جىلى جارىققا شىعادى

 بۇل تۋرالى سۇحبات بەرگەن كينونىڭ قىتايلىق پروديۋسەرى دجوناتون شەن ايتتى. ونىڭ سوزىنشە، بيىلعا جوسپارلانعان تۋىندىنىڭ تولىقتىراتىن ەپيزودتارى بار. ويتكەنى 3 ساعاتتىق فيلمدى كينوتەاتردا كورسەتۋ ءۇشىن 90 مينۋتقا دەيىن قىسقارتۋ قاجەت. ال تاسپالانعان دۇنيەنى كەسىپ تاستاعاندا، ماعاناسى جوعالىپ كەتەدى. «سوندىقتان تولىقتىراتىن تۇستارى بار»، - دەيدى.

 دەگەنمەن بيىل بەيجىڭدە قازاقستان پرەزيدەنتى مەن قىتاي ءتوراعاسى فيلمدى تاماشالاپ، جوعارى باعا بەرگەن. ەكى ەلدىڭ بىرلەسكەن جوباسى باقىتجان بايقاداموۆ پەن شين شيڭحاي اراسىنداعى دوستىققا ارنالعان. 40 - جىلى قىتاي ورتالىق كوميتەتى سازگەر شين شيڭحاي كەڭەس وداعىنا مۋزىكا زەرتتەۋگە جىبەرەدى. الايدا سوعىس باستالىپ كەتىپ، كومپوزيتور ەلىنە قايتا الماي قالادى. سىرقاتقا شالدىعىپ، اشتىققا ۇرىنعان قىتايلىق كومپوزيتورعا باقىتجان بايقاداموۆ پانا بولادى. جوبا اۆتورلارى بۇل حالىقتار دوستىعىن ناسيحاتتايتىنىنا سەنەدى.

 دجوناتون شەن، «كومپوزيتور» فيلمىنىڭ پروديۋسەرى:

 - بيىل ماۋسىمدا ەكى ەلدىڭ پرەزيدەنتى فيلمدى تاماشالاپ، جوعارى باعا بەردى. ءبىزدىڭ شىعارماشىلىق توپپەن كەزدەسىپ، بارلىعىمىز قاناتتانىپ قالعان ەدىك. ءبىراق تولىقتىراتىن، تۇزەيتىن جەرلەرى بار. قوسىمشا ءتۇسىرىلىم جاساۋ كەرەك. ءبىز ودان قاشپايمىز. مەنىڭشە، كەلەر جىلى جارىققا شىعارامىز.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى