جاپونيا كيتتەردى اۋلاۋدى توقتاتپايتىندىعىن مالىمدەدى
توكيو بۇل تۋرالى كوميسسياعا 1 - قاڭتارعا دەيىن ەسكەرتۋگە مىندەتتى، سوندا عانا جاپونيا ۇيىمنان رەسمي تۇردە 2019 -جىلدىڭ 30 - ماۋسىمىندا شىعا الادى.
Kyodo-نىڭ مالىمەتىنشە، جاپونيا ەندى كيتتەردى ايماق ەلدەرىمەن جانجال شىعۋ قاۋپى بار انتاركتيكا سۋلارىندا ەمەس، تەك ءوزىنىڭ ارنايى ەكونوميكالىق ايماعىندا عانا اۋلايتىن بولادى.
2014 -جىلى گااگاداعى ب ۇ ۇ حالىقارالىق سوتى توكيودان كيت اۋلاۋ باعدارلاماسىن توقتاتۋدى تالاپ ەتكەن. بۇعان مۇحيت ارالدارى ەلىنىڭ كيت اۋلاۋ ءىسىن عىلىمي ەمەس، كوممەرتسيالىق ماقساتتا جۇرگىزگەنى سەبەپ بولعان. جاپونيا ۇكىمەتى جاۋاپ رەتىندە اۋلايتىن كيتتەردىڭ سانىن ۇشتەن ەكى ەسە قىسقارتاتىنىن، ءبىراق بۇل كاسىپتى جالعاستىراتىنىن مالىمدەدى. كيتتەردى اۋلاۋ بويىنشا حالىقارالىق كوميسسيا بۇل جوبانى قابىلداماعان سوڭ توكيو وعان جاۋاپ رەتىندە ۇيىمنان شىعۋى مۇمكىن ەكەندىگىن ەسكەرتكەن.
كيتتەردى اۋلاۋ - جاپون حالقىنىڭ ەرتەدەن كەلە جاتقان ءداستۇرى. بالىقشىلار كيتتەردى عاسىرلار بويى اۋلاپ كەلەدى جانە جاپوندىقتار وزدەرىنىڭ نە جەۋ- نە جەمەۋ كەرەك ەكەنى جايلى شەتەلدىكتەردىڭ سىندارىن ۇناتپايدى.
ءبىر جاپون ادامى سۇحباتىندا: «جاپوندىقتار ەشقاشان قويان ەتىن جەمەيدى، ءبىراق ءبىز اعىلشىندارعا نە جەۋ كەرەك ەكەنىن ايتپايمىز عوي»، - دەگەن ەكەن.
جاپوندىقتار كيتتەردى كوپ مولشەردە اۋلايدى. جاپونيادا 1940 -جىلدان باستاپ 1960 -جىلدارعا دەيىن كيت ەتى جالعىز ەت رەسۋرسى بولعان. ال 1964 -جىلى جاپونيا 24000 نان استام كيت اۋلاعان. قازىرگى تاڭدا جاپونيا اۆستراليا جانە امەريكاعا كيت ەتىن يمپورتتايدى.
الايدا، سوڭعى كەزدەرى جاپون حالقى كيت ەتىن پايدالانۋى جىلدان- جىلعا ازايىپ كەلەدى. ءبىراق كيت اۋلاۋ ازايا قويماعان.
