بەيجىڭدە قوس دونوردىڭ قاتىسۋىمەن باۋىر اۋىستىرۋ وپەراتسياسى ءساتتى اياقتالدى
17 جاستاعى نيە ەسىمدى بوزبالا باۋىر سيرروزىنا شالدىققان. اعزانىڭ ماڭىزدى ورگانى ءىسىنىپ كەتكەندىكتەن ءوز قىزمەتىن اتقارۋدان قالعان.
دارىگەرلەر بالانىڭ ءومىرىن قۇتقاراتىن جالعىز امال ترانسپلانتاتسيا دەپ شەشتى. قاننىڭ تالداۋى بويىنشا وتباسى مۇشەلەرىنىڭ ىشىندە اكەسى مەن اپايىنىڭ باۋىرى سايكەس كەلدى. بويى ەكى مەترگە جۋىق ءىرى دەنەلى جىگىتكە ءبىر دونوردىڭ ورگانى جەتكىلىكسىز ەدى. وعان ترانسپلانتاتسيا كەزىندە اكەسىنىڭ باۋىرىنىڭ 25 پايىزى، اپايىنىڭ 30 پايىزى سالىندى. دارىگەرلەر 3 ادامعا بىردەي وتا جاساۋ ءۇشىن D3 ولشەمدىك بەينەساراپتاماسىن پايدالاندى.
«14 ساعاتقا سوزىلعان كۇردەلى وپەراتسيادان شىققان ۇشەۋىنىڭ دە قازىر جاعدايى جاقسى»، - دەيدى وتا جاساعان دارىگەرلەر.
ناۋقاستىڭ اكەسى:
- مەن ۇلىما باۋىرىمنىڭ سول جاعىن بەرسەم، وعان جەتكىلىكسىز بولار ەدى. ەگەر وڭ جاعىن بەرسەم، بۇل ورگان مەنىڭ قاجەتتىلىگىمدى وتەي الماي قالادى. باسىندا نە ىستەرىمدى بىلمەي قينالدىم.
ناۋقاستىڭ اپكەسى:
- مەن تەكسەرىلۋگە كەلدىم. دارىگەر 9 ايلىق بالامدى ەمىزۋدى توقتاتۋ كەرەك دەدى. سول كۇنى نارەستەم جىلاي بەردى. مەن ومىراۋداعى بالامدى دا، ءولىم اۋزىنداعى باۋىرىمدى دا ايادىم. ءبىراق باۋىرىم ءۇشىن بارىنە دايىن ەكەنىمدى ءبىلدىم.
www.24.kz
