قىزىلوردا وبلىسىندا سىرداريانىڭ قورعانىس بوگەتى جارىلدى
اتالمىش وقيعا بويىنشا قازالى اۋدانى اكىمىنىڭ توراعالىعىمەن شۇعىل تۇردە توتەنشە جاعدايلاردىڭ الدىن الۋ جانە ولاردى جويۋ جونىندەگى كوميسسيانىڭ وتىرىسى ءوتتى.
«كوميسسيا وتىرىسى بارىسىندا اتقارىلاتىن جۇمىستاردىڭ كولەمى ناقتىلاندى. ءتيىستى سالا باسشىلارىنا مىندەتتەر جۇكتەلدى. وسىنىڭ ناتيجەسىندە ازاماتتىق قورعاۋ قۇرىلىمدارىنىڭ جەكە قۇرامى مەن تەحنيكالارى وقيعا ورنىنا تارتىلىپ، قالپىنا كەلتىرۋ جۇمىستارى باستالدى»، - دەپ حابارلايدى قازالى اۋدانى اكىمدىگىنىڭ باسپا ءسوز قىزمەتى.
قازىرگى تاڭدا قورعانىس بوگەتتەرىن قايتا قالپىنا كەلتىرۋ جۇمىستارى جاسالۋدا. بۇعان 150 ادام، 31 ارنايى تەحنيكا جۇمىلدىرىلعان. سىرداريا وزەنى بويىنداعى قورعانىس بوگەتتەرى قىزىلوردا وبلىسى باسشىلىعى تاراپىنان قاتاڭ باقىلاۋعا الىنعان. ءتيىستى سالا باسشىلارى وزەن بويىنداعى جاعدايدى ءجىتى باقىلاپ وتىر.
