قورعاۋشى دەنيس تەندى ولتىرۋگە تاپسىرىس بەرىلگەنىن مالىمدەدى
جابىرلەنۋشى تاراپتىڭ قورعاۋشىسى ونى ولتىرۋگە تاپسىرىس بەرىلگەن بولۋى مۇمكىن ەكەنىن ايتتى.
بۇل تۋرالى Sputnik قازاقستان حابارلايدى.
جابىرلەنۋشى تاراپتىڭ قورعاۋشىسى نۇرلان وستەمىروۆ سوتتان ءىستى قوسىمشا تەرگەۋدى سۇرادى. قورعاۋشى تاراپتىڭ پىكىرىنشە، ىستە پروتسەسسۋالدىق بۇزۋشىلىقتار بار جانە قىلمىس تاپسىرىستىق سيپاتتا بولعان.
«ءبىز قىلمىستىڭ سىبايلاستارىن انىقتاۋ ءۇشىن ءىستى پروكۋرورعا قوسىمشا تەرگەۋگە جىبەرۋدى سۇرايمىز. ءىستىڭ ماتەريالدارىنداعى دالەلدەردىڭ قايشى تۇستارى بار، ولار قىلمىستىڭ تاپسىرىسپەن جاسالعانىن كورسەتەدى. ايداپ سالۋشىلار مەن ارانداتۋشىلاردى جاۋاپقا تارتۋ كەرەك. قوسىمشا تەرگەۋ جۇرگىزىپ، دەربەس سوت وندىرىسىنە ءبولۋدى سۇرايمىز»، - دەيدى وستەمىروۆ.
سونىمەن قاتار جابىرلەنۋشى تاراپتىڭ قورعاۋشىسى سوتقا استانا تۇرعىنى سامارا شامشيەۆانىڭ جەتكىزىلۋى تۋرالى ءوتىنىش ءبىلدىردى. بۇعان دەيىن ول ارمان قۇدايبەرگەننىڭ ۇرلىعىنىڭ سالدارىنان زارداپ شەككەن.
ايتا كەتسەك، بۇگىن دەنيس تەننىڭ ولىمىنە قاتىستى الدىن الا سوت تىڭدالىمى ءوتىپ جاتىر.
