ەر ادامنىڭ بولمىسىنداعى قۇپيالار
ايەلدەر كوزى تۇسكەن ەركەكپەن بولاشاقتاعى قاتىناسىن ەلەستەتىپ بولعانشا، ەركەكتەردىڭ جۇرەگى «جارالانىپ» ۇلگەرەدى.
ويناقشىعان كوز، ادەمى اياق، سۇلۋ ءمۇسىن ەركەكتىڭ نازارىن ەرىكسىز وزىنە اۋدارا تۇسەدى دە، ويلانۋعا مۇرشا بەرمەيدى.
ەركەكتەر ايەلدەرگە قاراعاندا كەمىندە سەگىز جىل از ءومىر سۇرەدى جانە دەنساۋلىعىنا كوڭىل بولگەندى ۇناتپايدى. ەركەكتەردىڭ كوبىسىنىڭ ويىنشا دەنساۋلىعىنا شاعىم ايتىپ، دارىگەرلەر الدىنا جۇگىرە بەرۋ - ەركەككە ءتان ءىس ەمەس. ەركەكتى اۋرۋدىڭ ءتۇرى نە كۇتىنۋدىڭ جولدارى جايىنداعى ەشقانداي دا اڭگىمەمەن قىزىقتىرا المايسىز، ودان سيتۋاتسياعا قۇرىلعان شىتىرمان وقيعالار الدەقايدا قىزىق.
پسيحيكالىق تۇرعىدان دا، فيزيكالىق تۇرعىدان دا جىگىتتەرگە قاراعاندا قىزدار ءتوزىمدى. ايەلدەردە ورگانيزمنىڭ قورعانۋ كۇشى جوعارى بولادى، ال پسيحيكالىق توڭكەرىستەرگە مىقتاپ توتەپ بەرەدى. سەبەبى، كوكىرەكتەگى قيىندىقتاردى كوز جاسىنىڭ كومەگىمەن ازايتىپ الۋ قاسيەتى بار. ءتىپتى اپات بولا قالعان جاعدايدا كوبىنە نازىك جاندىلار باسىم سانمەن امان قالىپ جاتادى. بۇل ەركەكتەردىڭ ايەلدەرگە قۇرمەت كورسەتىپ، ءبىرىنشى قۇتقارۋىنان ەمەس، ايەلدەر قيىن جاعدايدان شىعۋدىڭ جولىن تەز تابادى، جاڭا وقيعاعا بەيىمشىل.
ەركەكتەردىڭ تەرىسى قالىڭ. سوندىقتان ولاردا ءاجىم از بولادى. ەركەكتى وزىمەن ءبىر جاستاعى ايەلمەن سالىستىرعاندا، جاس كورىنەدى، سىرت كوركى عانا. ال جاس كورىنگەن ەركەكتىڭ قاۋقارى تومەن بولۋى مۇمكىن. سەبەبى، ءار ون جىل سايىن فيزيكالىق كەدەرگىگە توتەپ بەرۋ مۇمكىندىگى ايەلدەردە ەكى پايىزعا كەمىپ وتىرسا، ەركەكتەردە ون پايىزعا كەمىپ وتىرادى.
ەركەك پەن ايەل ءار ءتۇرلى ويلايدى. مي جۇمىس ىستەۋىنىڭ جىنىسقا قاتىستى ايىرماشىلىعى بار جانە بۇل - تەك ادامدارعا عانا ەمەس، حايۋاندارعا دا، جانۋارلارعا دا ءتان قۇبىلىس. ەركەك ءبىر ۋاقىتتا ەكى جۇمىستى ىستەۋگە قابىلەتتى. مىسالى، ماشيناسىن جوندەپ تۇرىپ، گازەتتەن وقىعان ماقالاسىن تالقىلاۋى مۇمكىن.
ماشيناسىنىڭ بۇزىلعان تەتىگىن تۇزەۋ ءۇشىن ميىنىڭ جارتى بولىگى قىزمەت ەتسە، قالعان جارتى بولىگى ماقالانى تالقىلاۋعا جۇمىس جاسايدى. ال ايەلدەر ءبىر عانا ءىستى تىندىرۋ ءۇشىن ميىنىڭ ەكى جارتىسىن دا بىرىكتىرەدى. بۇل بەرىلگەن تاپسىرمانىڭ ورىندالۋىنىڭ جىلدامدىعىن عانا ارتتىرمايدى، تياناقتى بولۋىن قامتاماسىز ەتەدى. ايەلدىڭ قىراعىلىعى كەز كەلگەن وتىرىك اڭگىمەنىڭ شىندىققا جاناسىمدى بولۋىنا سەپتىگىن تيگىزەدى. سوندىقتان ەركەكتەردى سەندىرۋ وڭاي.
«بارلىق ەركەك - بالا سياقتى». كوكو شانەل وسىلاي ايتقان. بۇل ءسوزدىڭ استارىن تۇسىنگەن ايەل ءبارىن دە تۇسىنەدى. ەركەكتەر 50 جاسىندا دا ويعا سىيمايتىن ىستەردى ىستەۋى مۇمكىن. نەمەرەسىمەن دوپ تەۋىپ، اسىر سالىپ ويناۋى دا قالىپتى. باسىم بولىگى 40-تان اسقاندا بوزبالا سەكىلدى عاشىق بولعىش كەلەتىن كورىنەدى.
ەڭ قىزىعى، ايەلدەرگە قاراعاندا، ەركەكتەر ومىرلىك سەرىگىنە كوبىرەك كوڭىلى تولمايدى ەكەن. ايتپاسا دا، تۇسىنىكتى. قىزدار قاۋىمى اقىلعا سالسا، كىمگە كۇيەۋگە شىعاتىنىن، بولاشاقتا قالاي بولاتىنىن ءبىلىپ، بولجاپ، ىشتەي دايىن بولادى. ال ەركەكتەر سەزىم مەن سۇلۋلىقتىڭ شىرماۋىنان شىعا الماي، ءوزىن جاقسى كورىپ، ايالاپ، ەركەلەتىپ جۇرگەنى جەتكىلىكتى دەپ ويلايدى. جىل وتكەن سايىن ايەلىن جاڭا قىرىنان كورگەن سايىن تاڭىرقاي بەرەدى.
وتباسىن قۇرعان بارلىق ەركەكتەر شىدامسىزدانا مۇراگەرىن كۇتەدى. بالانىڭ دۇنيەگە كەلۋى ايەل مەن ەردىڭ اراسىن نەعۇرلىم جاقىنداتسا، سوعۇرلىم الىستاتا تۇسەدى.
ايتىلعان «باۋى بەرىك بولسىندار»، قۇتتىقتاۋلار، «جۋۋ»، تويلاۋ، ءوزىن اكە سەزىنىپ، مارقايىپ قالۋ سياقتى قۋانىشتاردىڭ ارتى بالانىڭ ءتۇنى بويى جىلاپ، سان رەت ۇيقىدان وياتۋى، توسەگىنىڭ، كيىمدەرىنىڭ «بىلعانۋىنا» ۇلاسادى. وعان قوسا، ايەلىنىڭ بار نازارى بالاسىنا اۋىپ، ەركەكتەر بۇكىل ىقىلاسىن شاراناسىنا ارناعان ايەلىن ىشتەي قىزعانادى. تۇڭعىش بالاسى قىز بولىپ تۋىلسا، ۇل دۇنيەگە كەلگەنشە، ەركەكتەر شىدامسىزدانا كۇتەتىن كورىنەدى.
ەركەكتەردە تابىسقا ۇمتىلىس باسىم. ماقسات، كارەرا، مول اقشا - ەركەكتەر ءۇشىن وتە ماڭىزدى. جۇمىسسىز قالۋ نە قارجى قورىنىڭ ويسىراۋى - وتاعاسىنا ۇلكەن تراگەديا. جاعدايىنىڭ تومەن بولۋى نامىسىن قىتىقتاپ، ءوزىن-ءوزى ىشتەي «جەپ قويادى». ايەلىن، بالاسىن اسىراۋ ءۇشىن مول تابىستىڭ بولۋىنا ۇمتىلا تۇسەدى دە، وعان جەتۋدىڭ جولدارىن ۇتىمدى تابا بىلەدى.
ەركەكتەر «قىدىرۋدان» باس تارتپايدى. ەگەر ول سۇيىكتى اكە، قۇلاي سۇيگەن وتاعاسى بولسا دا، سۇلۋلىققا، جاستىققا ءسۇيسىنىپ، ويناپ- كۇلۋدەن قاشپايدى.
جان-جاققا «كوز تاستاۋى» 40-50 جاس شامالارىندا كوپ ورىن الادى ەكەن. وتباسىنىڭ كۇيبەڭ تىرشىلىگىنەن ءبىراۋىق تىنىشتىقتى اڭساپ، «دالادان» جىلۋ ىزدەپ، جاڭا روماندارعا ىقىلاسىن اۋدارۋى مۇمكىن. كۇيەۋىڭىزدىڭ بۇل ەركەلىگىن كەشىرىمدىلىكپەن تۇسىنە بىلسەڭىز، شاڭىراعىڭىزدىڭ شايقالماۋىنا، كۇيەۋىڭىزدىڭ ودان سايىن قادىرلەي تۇسۋىنە جول تاباسىز.
