جۇمىرتقانى قولدان ىستەگەن قىتايلىقتار الەمدى تاڭعالدىردى
ازىرگە ولار تەك مال شارۋاشىلىعى ونىمدەرىن قولدان جاساپ شىعارماعان قىتايلىقتار جۇمىرتقانىڭ جاساندى ءتۇرىن ويلاپ تاپقان دەپ حابارلايدى NUR. KZ.
جاساندى جۇمىرتقانى وڭاي اجىراتامىن دەپ ويلاساڭىز، قاتەلەسەسىز. ونىڭ سىرتى دا، ءىشى دە شىنايى جۇمىرتقامەن بىردەي. ءتىپتى ءيىسى مەن ءدامى دە شىنايى جۇمىرتقادان اينىمايدى. دەگەنمەن تاعام رەتىندە مۇنداي جۇمىرتقالار ادام دەنساۋلىعىنا زياندى بولۋى مۇمكىن.
جۇمىرتقانىڭ ەڭ الدىمەن سارىسى جاسالادى. ول ءۇشىن شەبەرلەر كونسيستەنتسياسى جاعىنان شىنايى جۇمىرتقاعا ۇقساس حيميالىق زات پايدالانادى. ول ءتۇسسىز بولعاندىقتان، ونى حيميالىق بوياۋلاردىڭ كومەگىمەن سارى تۇسكە بويايدى. بويالعان زات دوڭگەلەك كەيپىنە ەنۋى ءۇشىن دوڭگەلەك پىشىندەرگە قۇيىلادى.
سارىسى قويۋلانعان كەزدە جۇمىستى جالعاستىرۋعا بولادى. جۇمىرتقانىڭ ىشكى بولىگىن كومىرقىشقىلدى كاليدىڭ ىشىنە سالادى. سوندا ونىڭ سىرتىندا ءمولدىر قابىقشا ءتۇزىلىپ، گەلدىڭ اعىپ كەتۋىنە جول بەرمەيدى.
جەكە قالىپتا جۇمىرتقانىڭ جاساندى اعى مەن سارىسىمەن قوسىلادى. بۇعان دەيىنگى جۇمىس حيميا ساباعىنىڭ قاراپايىم دارىستەرى دەسە بولادى. ناعىز ونەردى جۇمىرتقانىڭ قابىعىن جاساعان كەزدە تاماشالاۋعا بولادى.
جۇمىرتقا قابىعى پارافين، گيپس ۇنتاعى جانە كالي كوربوناتىنىڭ قوسىندىسىنان جاسالادى. شەبەر قوسپانى ءبىرقالىپتى، ءدال جاعۋى ءتيىس. بۇل وتە جاۋاپكەرشىلىكتى جۇمىس، سەبەبى بۇل جۇمىس ءونىمنىڭ سىرتقى كەلبەتىنە اسەر ەتەدى.
جۇمىرتقا قابىعى كەۋىپ، بەرىك بولعان كەزدە بازارعا بارىپ «ءۇي» ءونىمىن اڭعال ساتىپ الۋشىلارعا ۇسىنۋعا بولادى.
جۇمىس ناتيجەسى تاڭعالارلىق، ءومىر بويى قوجالىقتا ىستەگەن ادامنىڭ ءوزى شىنايى ءونىمدى قولدان جاسالعاننان اجىراتا المايدى.
