سەمەيلىك وقۋشىلار جەل گەنەراتورىنىڭ جاڭا ءتۇرىن ويلاپ تاپتى
جاس ونەرتاپقىشتار، وسى ارقىلى بالامالى ەنەرگەتيكانى دامىتۋدى كوزدەۋدە. ناقتىراق ايتقاندا، زياتكەرلىك مەكتەپتىڭ وقۋشىلارى ءوز تابىستارىن قالانىڭ ينفراقۇرىلىمىنا ەنگىزبەك نيەتتە. بۇل ءداستۇرلى قۋات كوزدەرىنەن اناعۇرلىم ءتيىمدى، سونداي- اق ەكولوگياعا دا زالال كەلتىرمەيدى دەدى سەمەيلىك يننوۆاتورلار. ايتسە دە ونىڭ ارتىقشىلىعى مۇنىمەن عانا شەكتەلمەيدى.
«فيزيكا ساباعىندا جاڭا تاقىرىپتى وتكەن سوڭ، نۇرجان ەكەۋىمىزگە ءبىر وي كەلدى. نەگە جەل گەنەراتورىنىڭ تيىمدىلىگى مەن پايدالى اسەر كوەففيسيەنتىن ارتتىرماسقا؟ ول ءۇشىن بەرنۋلي جانە اەروديناميكا زاڭدارىن نەگىزگە الدىق. جاڭا قۇرىلىمىنىڭ ەرەكشەلىكتەرىن پايدالانۋ ارقىلى جەلدىڭ جىلدامدىعىن كوبەيتتىك. وسىيلاشا ونىڭ اينالىم سانى جوعارىلاي ءتۇستى. بۇگىنگى قولدانىستاعى جەل گەنەراتورلارى ۆەرتيكالدى، ياعني تىك كۇيىندە ورناتىلادى. سونىڭ سالدارىنان ونى جەلدىڭ باعىتىنا قاراي اۋىستىرىپ وتىرۋ قاجەت. ءبىزدىڭ ونەرتابىسىمىز كەز كەلگەن عيماراتتىڭ ۇستىنە قويىلادى جانە ەنەرگيانى ءوندىرۋ ءۇشىن ونى اينالدىرۋ كەرەك ەمەس. ول 360 گرادۋستا جۇمىس ىستەي بەرەدى»، - دەپ اتاپ ءوتتى سەمەي قالاسىنداعى فيزيكا- ماتەماتيكالىق باعىتىنداعى ن ز م-نىڭ 12- سىنىپ وقۋشىسى مۇحاممەدالى يبراگيم.
جاسىراتىنى جوق، قازىرگى جەل ەلەكتر ستانسيالارىنىڭ پايداسىمەن بىرگە زيانى دا بار. ماسەلەن، اتالمىش قوندىرعىلار قۋاتتى وندىرۋمەن قاتار ۋلترادىبىستى دا شىعارادى ەكەن. ال بۇل ءوز كەزەگىندە ءتىرى اعزالارعا كەرى اسەرىن تيگىزبەي قويمايدى.
مۇنداي قورىتىندىنى جاپوندىق عالىمدار شىعارعان. وسىنى ەسكەرگەن جاس ەنتۋزياستار، گەنەراتوردىڭ سىرتىن پلاستيكالىق ماتەريالمەن قاپتاعان. ناتيجەسىندە ۋلترادىبىس قوندىرعىنىڭ ىشىندە ساقتالادى. ونىڭ ۇستىنە جەل ەلەكتر ورتالىقتارى اشىق بولعان سوڭ، وعان قۇستاردىڭ سوقتىعۋى بەك مۇمكىن. سول سەبەپتى مۇحاممەدالى مەن نۇرجان، گەنەراتورعا ارنايى توردى ورناتىپتى.
«وسىدان بولەك، «Smart» جۇيەگە بايلانىستى تاعى ءبىر جۇمىستى پىسىقتاپ جاتىرمىز. اتاپ ايتساق، سمارتفوننىڭ جارىعىمەن ءۇيدىڭ ىشىندەگى تەلەديداردى، شامدى جانە تاعى دا باسقا تۇرمىستىق زاتتاردى ىسكە قوساتىن قوسىمشانى دايىنداۋدى كىرىستىك»، - دەدى نۇرجان بودەس.
