گەرمانيادا كومىر وندىرەتىن سوڭعى شاحتا جابىلدى

نەمىستەر تاس كومىر ءوندىرىسىن 900 جىلدان استام ۋاقىت بۇرىن قولعا العان. كەشە، 21 -جەلتوقسان كۇنى كەزىندە گەرمانيا ەكونوميكاسىنىڭ ورلەۋىنە قۋاتتى سەرپىن بەرگەن سالالاردىڭ ءبىرى تولىعىمەن كەلمەسكە كەتتى. بۇرىن كەنشىلەر قالاسى بولعان بوتروپەدە ەلدەگى ەڭ سوڭعى كومىر شاحتاسى Prosper- Haniel سالتاناتتى جاعدايدا جابىلدى.

 ەۋروپاداعى كومىر دەرجاۆالارى اراسىندا گەرمانيا بۇل ءداستۇرلى سالانى جويعان العاشقى مەملەكەت ەمەس. بەلگيادا سوڭعى شاحتا - 1992 -جىلى، فرانسيادا - 2004 -جىلى جانە ۇلى بريتانيادا 2015 -جىلى جابىلدى. اتالمىش ەلدەردىڭ بارلىعىندا تاس كومىر ءوندىرىسى ەكونوميكالىق سەبەپتەرگە بايلانىستى توقتاتىلدى. ودان ەكولوگيالىق قاۋىپسىزدىك تۇرعىسىنان (حالىقتى تۇتىننەن، ال جاھاندىق كليماتتى - پارنيكتى گازداردىڭ تارالۋىنان قورعاۋ) باس تارتۋ - سوڭعى كەزدەگى ۇردىستەردىڭ ءبىرى.

 شاحتانىڭ سالتاناتتى جابىلۋ راسىمىنە گەرمانيا پرەزيدەنتى فرانك- ۆالتەر شتاينمايەر قاتىستى. شارا بارىسىندا وعان سوڭعى وندىرىلگەن سالماعى 7 كەلى تاس كومىر كورسەتىلدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى