جاقسىلىق ۇشكەمپىروۆ جەتىگەن اۋىلىنا گاز تارتىپ بەردى
الماتى وبلىسى ىلە اۋدانىنا قاراستى بۇل ەلدى مەكەنگە كوپتەن كۇتكەن كوگىلدىر وتىن كەلدى. جەرگىلىكتى تۇرعىندارعا جىلۋ سىيلاعان جومارت جان - جاقسىلىق ۇشكەمپىروۆ. وليمپيادا چەمپيونى ءوز قارجىسىنا ءۇش ايدىڭ ىشىندە جەتىگەن اۋىلىنا جەردىڭ استىمەن 13 شاقىرىمدىق گاز قۇبىرىن تارتىپ بەردى.
كوگىلدىر وتىننىڭ سالتاناتتى قوسىلۋ راسىمىنە جاقسىلىق ۇشكەمپىروۆتىڭ ءىزباسارلارى ەرماحان يبرايىموۆ پەن قانات يسلام جانە ارداق نازاروۆ سەكىلدى الەم جانە وليمپيادا چەمپيوندارى قاتىستى. قازىرگى تاڭدا اۋىل ورتاسىنداعى قوجا احمەت ياسساۋي مەشىتى تولىقتاي كوگىلدىر وتىنمەن قامتاماسىز ەتىلىپ وتىر. كەيبىر تۇرمىسى تومەن تۇرعىنداردىڭ ۇيىنە دە گاز تەگىن كىرگىزىلگەن.
بۇعان دەيىن دە بىرنەشە اۋىل- ايماقتارعا قول ۇشىن بەرىپ، حالىقتىڭ سۇيىسپەنشىلىگى مەن ىستىق ىقىلاسىنا بولەنىپ جۇرگەن جاقسىلىق ۇشكەمپىروۆتى وتكەن جىلى ەلباسىنىڭ ءوزى ماراپاتتاعان ەدى.
جاقسىلىق ۇشكەمپىروۆ، وليمپيادا چەمپيونى:
- اۋىلىمىزدىڭ كوركەيۋىنە اتسالىسىپ جاتىرمىز. ارينە، بۇل حالىقتىڭ يگىلىگى. ەگەمەندى ەل تاۋەلسىز مەملەكەت دەگەن وسىلاي بولادى. ءاربىر ازامات ءاربىر اۋىلدى وسىلاي كوتەرسە، قازاقستانىمىز گۇل- گۇل جايناپ كەتەر ەدى دەپ ارماندايمىن. سول ارمانعا جەتۋىمىز ءۇشىن ءبارىمىز دە وسىلاي ەڭبەك ەتۋىمىز كەرەك.
www.24.kz
