قىتاي عارىشتى يگەرۋدەن ا ق ش جانە رەسەيمەن تەڭەستى

 ۇلتتىق عارىش باسقارماسىنىڭ بۇرىنعى باسشىسى لۋان ەنتسزەنىڭ ايتۋىنشا، قىتاي جوعارى تەحنولوگيالى سالانى دامىتۋدى جالعاستىرا بەرمەك.

بيىل قىتاي عارىشقا زىمىران ۇشىرۋ بويىنشا ءبىرىنشى ورىنعا شىقتى. كوككە 35 كەمەسىن ءساتتى جونەلتتى. بۇل سالانىڭ دەرجاۆالارى ا ق ش -  30، ال رەسەي 15 زىمىران جىبەرگەن. ەلدىڭ 2014- جىلى عارىشتى يگەرۋگە جەكە ينۆەستيتسيالاردى تارتۋى ناتيجەسىن بەرگەندەي.

ماسەلەن، بەيجىڭدەگى «Landspace» كومپانياسى 2015 -جىلى عانا قۇرىلعان. العاشىندا 10 ادام عانا جۇمىس ىستەگەن كاسىپورىننىڭ قازىر 200 قىزمەتكەرى بار. ەندى عارىشقا نانوسپۋتنيكتەر مەن ادام ۇشىرۋدى جوسپارلاپ وتىر. ال LinkSpace دەپ اتالاتىن تاعى ءبىر قىتايلىق كومپانيا 2020 -جىلعا قاراي تىگىنەن ۇشىپ، تىگىنەن قوناتىن زىمىران جاساماقشى.

 لۋان ەنتسزە، قىتاي ۇلتتىق عارىش باسقارماسىنىڭ بۇرىنعى باسشىسى:

 - قازىر قىتايدىڭ عارىش يندۋسترياسىندا 300 مىڭداي مامان جۇمىس ىستەيدى. ولاردىڭ ءوز ادىستەمەلەرى، قاعيدالارى جانە باستىسى عارىشتى يگەرسەم دەگەن ارمانى بار. قىتاي ءوز عارىش يندۋسترياسىن دامىتىپ قانا قويماي، باسقا ەلدەرگە دە قول ۇشىن بەردى. ءبىرقاتار مەملەكەتتەرگە اۋا رايى مەن تەڭىزدى باقىلاۋ ءۇشىن كوممەرتسيالىق جەر سەرىكتەرىن ۇشىرۋعا كومەكتەستى.

ال 2020 -جىلى ىسكە قوسىلاتىن ۇلتتىق «بەيدوۋ» جۇيەسىن بۇكىل الەم پايدالانادى. بۇگىندە قىتايمەن عارىش سالاسى بويىنشا الەمنىڭ 40 ەلى مەن حالىقارالىق ۇيىمدارى 100-دەن اسا كەلىسىمگە قول قويعان. بولاشاقتا مارستا ءوز ستانسيامىزدى سالامىز دەگەن جوسپارى دا بار. اۆتورلارى: نۇربەك بەكەن، جاڭ ءسۇي

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى