اتىراۋ وبلىسىندا كاسپي جاعاسىنا دەمالىس لاگەرى سالىنادى
وڭىرلىك كوممۋنيكاتسيالار قىزمەتىندەگى بريفينگتە يساتاي اۋدانىنىڭ اكىمى مارات مۇرزيەۆ زابۇرىن اۋىلىنىڭ ماڭىندا 500 گەكتار اۋماققا لاگەر سالۋ ءۇشىن جوبالىق- سمەتالىق قۇجاتتار جاسالىپ جاتىر.
«جوبانىڭ ىسكە اسىرىلۋى وڭىردەگى تۋريزم مەن كۋرورت بيزنەسىن دامىتۋعا سەرپىن بەرەدى. ءتىپتى جابايى جاعالاۋ جاعدايىندا دا، ينفراقۇرىلىم اتاۋلىنىڭ نىشانى بولماسا دا، ەكولوگيالىق جاعىنان ءتيىمدى وسى جەرگە كەلىپ دەمالاتىندار از ەمەس. ولار تەك ءبىزدىڭ وبلىستىڭ تۇرعىندارى عانا ەمەس، سىرتتان كەلەتىندەر دە بار. ەگەر مۇندا لاگەر سالىنىپ، اتىراۋ - استراحان اۆتوجولى جوندەلەتىن بولسا، تۋريستەردىڭ قالاي اعىلىپ كەلەتىنىن ويلاي بەرىڭىزدەر» ، - دەدى مارات مۇرزيەۆ.
