قاسىم- جومارت توقايەۆ دەپۋتاتتىق ساۋالدارعا تولىق جاۋاپ بەرۋدى ەسكەرتتى

 ق. توقايەۆ اعىمداعى جىلدا اتقارىلعان جۇمىستارعا قورىتىندى جاساي كەلە، سەنات تاراپىنان جوسپارلى ءارى مازمۇندى جۇمىس جۇرگىزىلگەنىن اتاپ ءوتتى. وسى ورايدا ەلباسى رەفورمالارىن جۇزەگە اسىرۋعا باعىتتالعان ماڭىزدى زاڭدار قابىلداندى. سەناتتىڭ جالپى وتىرىستارىندا 80 زاڭ جوباسى قارالىپ، ونىڭ ىشىندە 72- ءسى قابىلداندى، 8- ءى سەناتورلار تۇزەتۋلەرىمەن ماجىلىسكە باعىتتالدى.

سونىمەن قاتار، وزەكتى تاقىرىپتار بويىنشا 70-كە جۋىق ماڭىزدى شارا ۇيىمداستىرىلىپ، سونىڭ ناتيجەسىندە اتقارۋشى ورگاندارعا ناقتى تاپسىرمالار بەرىلدى. ۇكىمەتكە 100-دەن استام دەپۋتاتتىق ساۋال جولداندى.

«دەپۋتاتتىق ساۋالدارعا كەلگەن جاۋاپتاردىڭ كوپشىلىگى دەپۋتاتتاردىڭ كوڭىلىنەن شىقپاعانىنا ۇكىمەتتىڭ نازارىن اۋدارعان بولاتىنبىز»، - دەدى سەنات ءتوراعاسى.

ق. توقايەۆ الداعى جىلى پرەزيدەنت تاپسىرمالارىن ورىنداۋعا باعىتتالعان زاڭ جوبالار پاكەتى پارلامەنت قاراۋىنا كەلىپ تۇسەتىنىن جەتكىزدى.

 «بىزگە وتاندىق زاڭنامانى جەتىلدىرۋ ءتۇسىپ، جۇمىس ساپاسىن جاقسارتۋ كەرەك. بۇل - ءبىزدىڭ نەگىزگى ماقسات»، - دەدى ول.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى