قاڭتاردىڭ ورتاسىنا قاراي تۇماۋ ءورشۋى مۇمكىن - جانداربەك بەكشين
«بۇگىندە قازاقستاندا زەرتحانالىق تۇردە راستالعان تۇماۋدىڭ 44 جاعدايى تىركەلىپ وتىر. اسىرەسە، استانا مەن الماتى قالالارىندا ءجيى كەزدەسەدى. ارينە، بۇل قالالاردا حالىق كوپ، اۋرۋدىڭ تارالۋى قاۋپى جوعارى. قازىر جەدەل رەسپيراتورلىق اۋرۋلار تىركەلىپ جاتىر. وتكەن جىلمەن سالىستىرعاندا بيىلعى اۋرۋلار كورسەتكىشى %8 كە تومەن» ، - دەدى جانداربەك بەكشين ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، الىس- جاقىن شەتەلگە ساياحاتتايتىن تۇرعىندار دا ەلدەگى تۇماۋدىڭ تارالۋىنا ىقپال ەتەدى.
«قاڭتار ايىنىڭ ورتاسىندا تۇماۋ مەن ج ر ۆ ي- دىڭ (جەدەل رەسپيراتورلىق ۆيرۋستىق ينفەكتسيا) ۇدەيتىن كەزى دەپ بولجاپ وتىرمىز. سەبەبى جاڭا جىلدىق دەمالىستا حالىق الىس- جاقىن شەتەلگە بارىپ، نەشە ءتۇرلى ۆيرۋستاردى اكەلەدى. تۇرماۋ مەن جرۆي اۋا تامشىلارى ارقىلى تارالادى جانە ولار ءۇشىن شەكارا جوق. ەلەۋسىز بولىپ كەلەدى دە، ورمانداعى ءورت سەكىلدى بىردەن تارايدى. سوندىقتان، اۋرۋ بەلگىسى بايقالعان تۇرعىنداردىڭ بەتپەردە كيۋىن، ادام كوپ جينالاتىن ورىندارعا بارماۋىن سۇرايمىز» ، - دەدى باس سانيتارلىق دارىگەر.
