بيىلعى جىلدىڭ باستى عىلىمي جەتىستىكتەرى اتالدى
عىلىمي جەتىستىكتەر قاتارىندا گرەنلانديادا استەرويدتىڭ قۇلاۋىنان پايدا بولعان كراتەردىڭ تابىلۋى بار. بۇل كراتەردىڭ ۇلكەندىگى سونشالىق، ونىڭ اۋماعىنا ۆاشينگتون قالاسى، كولۋمبيا وكرۋگى سىيىپ كەتەر ەدى. كراتەردىڭ ديامەترى 31 شاقىرىم. ول عالامشارداعى 25 الىپ كراتەردىڭ قاتارىنا كىرەدى. عالىمدار سوقتىعىستىڭ قاشان بولعانىن ازىرگە انىقتاي الماي وتىر. ولاردىڭ باعالاۋى بويىنشا، كراتەر 11,7 مىڭ - 2,6 ميلليون جىل بۇرىن ارالىقتا پايدا بولۋى مۇمكىن.
50 مىڭ جىل بۇرىن ءومىر سۇرگەن ايەلدىڭ د ن ق-سى انىقتالدى. د ن ق ارقىلى جويىلىپ كەتكەن ەجەلگى ادامداردىڭ ەكى توبىنىڭ اراسىنداعى بايلانىس دالەلدەنگەن. 2012 -جىلى سىبىردەن تابىلعان ايەلدىڭ سۇيەگىنىڭ د ن ق-سى ونىڭ اناسىنىڭ نەاندەرتالدىققا، ال اكەسىنىڭ دەنيسوۆ ۇڭگىرىنەن تابىلعان «التاي» ادامىنا جاتاتىنىن كورسەتتى.
سونداي-اق ريبونكۋلەين قىشقىلىن سەكۆەنيرلەۋدىڭ (مولەكۋلانىڭ العاشقى قۇرىلىمىن انىقتاۋ) جاڭا ءادىسى عىلىمي جەتىستىكتەر قاتارىنا جاتقىزىلدى. پروتسەستى جاسۋشالىق دەڭگەيدە قاداعالاپ وتىرۋعا بولادى. بولاشاقتا تەحنولوگيا جەكە ەمبريون جاسۋشالارىنىڭ دامۋىن باقىلاپ وتىرۋعا مۇمكىندىك بەرەدى.
40 جىل بۇرىن بولعان ءبىرقاتار ادام ءولىمىنىڭ اشىلۋى. بيىلعى ءساۋىر ايىندا پوليتسيا 1970-1980 -جىلدارى كاليفورنيادا بولعان زورلاۋ جانە ادام ءولتىرۋ فاكتىلەرى بويىنشا كۇدىكتىلەردى تۇتقىنداعانىن مالىمدەدى. پوليتسيا قىلمىس بولعان جەردە تابىلعان د ن ق دەرەكتەرىن جۇكتەپ، قىلمىسكەرلەردىڭ تۋىستارىن انىقتاعان. وسى ادىستەمەنىڭ ارقاسىندا 20-دان استام ءىس اشكەرەلەندى.
