كوكشەتاۋدا مۇزدان ديماش قۇدايبەرگەننىڭ ءمۇسىنى جاسالدى
مۇزدان جاسالعان كومپوزيتسيانىڭ الدىڭعى بولىگىندە ميكروفون ۇستاعان ديماشتىڭ ءمۇسىنى تۇر. ال ونىڭ ارتىندا قاناتتارىن جايعان اققۋلار بەينەلەنگەن.
كومپوزيتسيا اۆتورى كوكشەتاۋلىق بەلگىلى سۋرەتشىسى جانە ءمۇسىنشى ماناربەك بۇرماعانوۆ.
«ءانشىنىڭ شىعارماشىلىعىنان، اسىرەسە ونىڭ رەسەيدە ورىنداعان «قالجىراعان اققۋلاردىڭ سەزىمى» انىنەن شابىت العان ماناربەك بۇرماعانوۆ كوكشەتاۋدا وسىنداي ءمۇسىن جاساۋدى شەشتى. يدەيا جەرگىلىكتى دەڭگەيدە قولداۋ تاپتى. ماناربەك حالىقارالىق بايقاۋلارعا ۇنەمى قاتىسىپ تۇرادى. وتكەن جىلى شاقىرتۋ بويىنشا رەسەيدە جۇمىس ىستەدى. بىرنەشە رەت الماتىدا مۇسىندەر جاسادى»، - دەدى قازاقپارات تىلشىسىنە ق ر سۋرەتشىلەر وداعى وبلىستىق فيليالىنىڭ ءتوراعاسى يۋري پوپوۆ.
ەسكە سالايىق، جۋىردا ديماش قۇدايبەرگەن ماسكەۋدەگى كرەمل ساحناسىندا جانە «ن ت ۆ» ارناسىنىڭ «ورتالىق تەلەۆيدەنيە» باعدارلاماسىندا «قالجىراعان اققۋلاردىڭ سەزىمى» ءانىن ورىنداعان بولاتىن.
