قىزىلوردادا قوبىزشىلار انسامبلى قۇرىلماق
اتا تۇرماعامبەت اتىنداعى حالىق اسپاپتارى وركەسترىنىڭ جانە اقمەشىت فولكلورلىق ەتنوگرافيالىق ءانسامبلىنىڭ ءارتىسى توقتار اعىرايەۆ ءبىلدىرىپ، وبلىس اكىمىنىڭ بلوگىنا «سىر وڭىرىندە قوبىز ۇيىرمەسى اشىلسا» دەگەن ساۋال جولداعان ەدى.
وعان ءتيىستى جاۋاپ قايتارىلعان. بۇگىنگى تاڭدا قىزىلوردا قالاسى مەن وبلىستىڭ بارلىق اۋدانىندا قوبىز ۇيىرمەلەرى جۇمىس جاساپ جاتقانى ايتىلعان. سىر ءوڭىرىنىڭ اۋداندىق مادەنيەت ۇيلەرى مەن كلۋب كاسىپورىندارىندا بارلىعى 14 قوبىز ۇيىرمەسى جاس ورەندەرگە ءتالىم بەرىپ وتىر. بۇل جۇمىستار 2017-2018 -جىلداردا قولعا الىنىپ وتىر.
«بۇل شارالار ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا قورقىت اتا مۇرالارىن ناسيحاتتاۋ، قوبىزدىڭ ءۇنىن ۇرپاق ساناسىنا ءسىڭىرۋ ماقساتىندا جۇزەگە اسىرىلۋدا. الداعى ۋاقىتتا وڭىرىمىزدە «قوبىزشىلار انسامبلىن» قۇرۋ، مادەنيەت ۇيلەرى مەن كلۋبتاردا قوبىز ۇيىرمەلەرىنىڭ سانىن ارتتىرۋ باعىتىندا جۇمىستار جۇرگىزىلەتىن بولادى»، - دەلىنگەن اتالعان ساۋالعا بەرىلگەن جاۋاپتا.
الداعى ۋاقىتتا قىزىلوردادا قوبىز كۇنى اتاپ ءوتىلۋى مۇمكىن.
سونداي-اق، بيىل قوبىزدىڭ اتاسى سنالاتىن «قورقىت اتا» مۇراسى يۋنەسكو-نىڭ ماتەريالدىق ەمەس مۇرالارى تىزىمىنە ەنگىزىلدى.
