قازاقستاندا ۇلتتىق اقپارات الاڭىن باقىلاۋ اۆتوماتتاندىرىلادى
بۇل تۋرالى مينيسترلىكتىڭ باسپا ءسوز قىزمەتىنە سىلتەمە جاساپ، قازاقپارات حابارلايدى.
«بۇل جۇيە بۇقارالىق اقپارات قۇرالدارىندا قازاقستان رەسپۋبليكاسىنىڭ زاڭدارىمەن تىيىم سالىنعان زاڭسىز ماتەريالداردى تياناقتاۋ ۇدەرىسىن جەڭىلدەتۋگە باعىتتالعان. ياعني، تەرروريزم، سۋيتسيدتى ناسيحاتتاۋ، مەملەكەتتىڭ تۇتاستىعىن بۇزۋ جانە تاعى باسقا مازمۇنداعى ماتەريالداردى باقىلاپ وتىرۋعا مۇمكىندىك بەرەدى»، - دەلىنگەن حابارلامادا.
جۇيەنى جاساۋعا كونكۋرس تەك وتاندىق كومپانيالار اراسىندا وتكىزىلگەن. اتالمىش اقپاراتتىق جۇيەنى جاساۋ تۋرالى شارت «كۆانت» عىلىمي- زەرتتەۋ زەرتحاناسى» ج ش س قازاقستاندىق كومپانياسىمەن ءتۇزىلدى. ونىڭ تەحنيكالىق قۇجاتتاماسىنىڭ رەسەيلىك كومپانيالار سەرۆەرلەرىندە تارالۋ فاكتىسى بويىنشا مينيسترلىكتە قىزمەتتىك تەكسەرۋ ءجۇرىپ جاتىر. مينيسترلىك - ب ا ق سالاسىنداعى زاڭداردىڭ ساقتالۋىنا جاۋاپتى ۋاكىلەتتى مەملەكەتتىك ورگان.
بۇدان بولەك، مونيتورينگتىڭ تيىمدىلىگىن ارتتىرۋدى قوعام، اسىرەسە، «كوك كيت» جانە «مەنى 04:20-دا ويات» قاۋىپتى توپتارى كەڭ تارالعان ۋاقىتتا تالاپ ەتكەن بولاتىن.
