قىستا جۇگىرەتىن بولساڭىز
مۇز، كوكتايعاق، كۇننىڭ سۋىعى سەكىلدى اۋا رايىنىڭ قولايسىزدىعى جۇگىرۋگە دەگەن قۇلشىنىسىڭىزدى تومەندەتەرى ءسوزسىز.
مۇنداي مەزگىلدە ادامدار جۇگىرۋگە جابىق كەشەندەر مەن سپورت زالدارىن تاڭدايدى. ەندى بىرەۋلەر جۇگىرۋدى قىستا توقتاتا دا تۇرادى. قىستىڭ سۋىعىنا قاراماي جۇگىرەتىندەر جوق ەمەس، بارشىلىق. جاياۋ ءجۇرۋ مەن جۇگىرۋ - ادام اعزاسىنىڭ فيزيكالىق جاعدايىن جاقسارتاتىن ءتيىمدى قۇرال.
الايدا قازىر اۋا رايىنىڭ سالقىندىعىن سىلتاۋ ەتىپ جۇگىرۋ مەن جۇرۋگە ەرىنەتىنىمىز دە راس. كۇن جىلىعانىن كۇتىپ جۇرگەنىمىزبەن دەنساۋلىق ءسىزدى كۇتپەيدى، كەرىسىنشە ءسىز ونى كۇتۋىڭىز كەرەك. سوندىقتان دا اپتاسىنا ءبىر اۋىق جۇگىرىپ تۇرعان ابزال. ال دالادا جۇگىرەتىن بولساڭىز تومەندەگى كەڭەستەرىمىزدى قاپەرىڭىزگە ىلە ءجۇرىڭىز.
سۋىق اياقتان وتەدى قىستا جۇگىرەتىن بولساڭىز، اياقتى سۋىقتان قورعاۋ كەرەك. ول ءۇشىن ىڭعايلى اياق كيىم مەن شۇلىقتى دۇرىس تاڭداعان ابزال. الدىمەن شۇلىق جايلى ايتساق. ش ۇلىقتىڭ دا اياققا ىڭعايلى، جىلىسىن تاڭداۋ كەرەك. ماقتادان نەمەسە سينتەتيكادان جاسالعان شۇلىقتار قىستا جۇگىرۋگە جارامايدى. ەڭ دۇرىسى ارنايى ءجۇن شۇلىقتاردى كيگەن دۇرىس.
قىستا جۇگىرۋ ءۇشىن ارنايى كروسسوۆكا ساتىپ العان ءجون. جازدىق كراسسوۆكا جەر قۇرعاق كۇندەرى بولماسا، ايازدى كۇندەرى كيۋگە جارامايدى.
سونداي-اق اياق كيىمنىڭ قونىشى بيىك بولعانى دا ابزال. قار كىرىپ مازاڭىزدى المايدى. جۇگىرۋ الدىنداعى كيىنۋ قىستا جۇگىرگەندە قابات- قابات كيىنۋ اسا قاجەت ەمەس. سەبەبى العاشقى 10 مينۋتتا ادامنىڭ دەنەسى قىزبايدى، دالاداعى سۋىقتى سەزىنەدى.
ال جۇگىرە كەلە ىستىقتاي باستايدى. وسىنداي ساتتە سىرت كيىمنىڭ ءبىرىن شەشىپ، سۋىقتاپ قالۋىڭ مۇمكىن. اباي بولۋ كەرەك. سىرت كيىمىڭ سۋىق پەن قارسى سوققان جەلدەن قورعاۋ كەرەك. باستىسى - تەرىڭدى قاتىرىپ الماۋدى نازاردا ۇستاۋ. قىستا جۇگىرۋ الدىندا كيىنۋ دالاداعى اۋا رايىنا بايلانىستى.
كۇن شىعىپ، تەرمومەتر - 1 °س- تان تومەن بولسا، ىشىڭىزدەن جەڭى ۇزىن كولەك پەن سىرتىنان جەڭىل كۇرتكە كيگەن ابزال. ال -10°س- تان تومەن بولسا، قالىڭداۋ كۇرتكە كيگەن دۇرىس. جۇگىرگەندە بالاعى تار شالبار تاڭداۋ كەرەك. ءبىر شەتىنەن ىڭعايلى بولسا، ءبىر شەتىنەن سۋىق كىرمەيدى.
ال باسقا باس كيىم، قولعا قولعا كيۋدى ۇمىتپاعانىڭىز ءجون. سونداي- اق كۇننەن قورعايتىن كوزىلدىرىك تاعىپ الساڭىز دا ارتىق بولمايدى. سەبەبى كوزىلدىرىك قاردىڭ كوزگە شاعىلۋى مەن قارسى سوققان سامال اسەرىنەن كوزدىڭ جاساۋراۋىنان قورعايدى. بەت كۇتىمى قىستا جۇگىرەردە بەت كۇتىمىنە دە نازار اۋدارۋ قاجەت. سەبەبى سۋىقتان بەت جارىلۋى مۇمكىن. ول ءۇشىن جۇگىرەرگە شىعار الدىندا (كەم دەگەندە 40 مينۋت الدىن) ارنايى مايلى كرەم جاعۋ كەرەك.
دۇرىس تىنىس الۋ قىستا جۇگىرگەندە سالقىن اۋا تاماقتى كۇيدىرىپ، تىنىس الۋعا كەدەرگى بولادى. تىنىس الۋ قيىنداپ، مۇرىننان سۋ اعۋى مۇمكىن. مۇندايدا مۇرىنمەن تىنىس الىپ، اۋىزبەن دەم شىعارۋ كەرەك. قىستا كۇننىڭ جارىعىندا جۇگىرىڭىز.
كەش باتا كۇن سۋىتىپ، كوز بايلانعان كەزدە جۇگىرۋ قاۋىپتى ەكەنىن جادىڭىزدان شىعارماعانىڭىز ءجون. اۋىرىپ جۇرسەڭىز قىستا جۇگىرۋدىڭ ەش قاجەتى جوق. دەرتىڭىزگە دەرت جاماپ الۋىڭىز بەك مۇمكىن. جۇگىرۋ - ادام دەنساۋلىعىنا پايدالى جاتتىعۋلاردىڭ ءبىرى. دەسە دە جۇگىرمەي تۇرىپ ارنايى جاتتىعۋلار جاساپ، دەنەنى قىزدىرىپ العان دۇرىس. اسىرەسە جۇگىرۋ الدىندا تىزەگە ارنالعان جاتتىعۋلاردى ورىنداۋ قاجەت. ال جۇگىرىپ كەلگەننەن كەيىن دۇرىس تاماقتانىپ، كوفە نەمەسە شاي ءىشىپ جىلىنۋ كەرەك.
Massaget.kz
