قازاقستاننىڭ ايازى تۋرالى ءان شىعارعان قازاق جىگىتتەرى جەلى قولدانۋشىلارىن كۇلكىگە قارىق قىلدى
جەلىدە ەشبىر استانالىق ازامات ونسىز جۇرە المايتىن كيىم تۋرالى كۇلكىلى ۆيدەو پايدا بولىپ، قازاقستاندىقتاردىڭ ىشەك- سىلەسىن قاتىردى. ول قىزىقتى ۆيدەودا جاس جىگىتتەر قىستىڭ قاقاعان ايازىندا جىلىتاتىن جىلى گاماش تۋرالى ءان ايتىپ، بي بيلەپ، قازاقستاننىڭ قىسى قالاي بولاتىنىن وسىنداي جولمەن جەتكىزەدى.
ال ول كۇلكىلى بەينەروليكتى تاماشالاعان الەۋمەتتىك جەلى قولدانۋشالارى گاماش تۋرالى ءاندى ەستىپ كۇلكىگە قارىق بولۋدا. ءتىپتى، كەيبىرەۋلەرى وسىنداي كۇلكىلى ءان شىعارىپ، ۆيدەو تۇسىرگەن جىگىتتەردى ماقتاپ، قولپاشتاپ جاتىر. ال تاعى بىرەۋلەرى ۆيدەوداعى جىگىتتەردى تانىپ، ازىلدەرىنىڭ جاقسى شىققانىن ايتىپ، العىس ايتۋدا.
«بۇلار ءىلياس جاپاروۆ، ازامات مۇساعاليەۆ، نۇرلان سابىروۆ ەمەس پە. جارايسىڭدار جىگىتتەر، وتە كرەاتيۆتى شىققان! بۇل جىگىتتەر دارىندىلىق جانە ءازىل جاعىنان نۇرلاننان كەم ەمەس. مەنىڭ ويىمشا، يلياستىڭ ازىلدەرى قىزىعىراق. وتە جاقسى جانە كەرەمەت، ءارى كۇلكىلى»، - دەيدى جەلى قولدانۋشىلارى.
ال كەيبىر بويجەتكەندەر بولسا «قىزدار ەندى كولگوتكي تۋرالى وسىنداي ۆيدەو تۇسىرەيىك» دەپ جىگىتتەردىڭ ءازىلىن جالعاستىرۋعا ۇسىنىس تاستاۋدا.
«سۇلۋلىق الەمدى قۇتقارادى دەپ ايتىپ جاتادى. مۇمكىن قۇتقارسا قۇتقارار. ءبىراق، وسىنداي جىگىتتەردىڭ ارقاسىندا ءبىر ساتكە بولسىن قيىندىقتار مەن پروبلەمالارىڭ تۋرالى ۇمىتىپ كەتەسىڭ جانە كوڭىل-كۇيىڭ كوتەرىلەدى. سەن ارىقسىڭ با نەمەسە سەمىزسىڭ بە، كەدەي نەمەسە باي، قازاق نەمەسە مەكسيكالىقسىڭ با، كىم بولساڭ دا، جوق دەگەندە ازعانتاي بولسىن ازىلدىك سەزىمى بار ادام بول. سوندا ءومىر وڭاي بولادى. جارايسىڭدار جىگىتتەر!»، - دەيدى تاعى باسقالارى.
سونىمەن قاتار، جەلىدە قازاقستاننىڭ قىسىنا قاتىستى تۇسىرىلگەن قىزىقتى ۆيدەولار جاريالانىپ، از دا بولسا وقىرماندارعا كوتەرىڭكى كوڭىل-كۇي سىيلاۋدا.
Посмотреть эту публикацию в InstagramКапец травит @nurlan_saburoff 😂
