استانا ت ج د: بالالارعا پيروتەحنيكانى ساتۋعا تىيىم سالىندى
مەرەكە كۇندەرى وتاندىق جانە شەتەلدىك (رەسەي، قىتاي، كورەيا) فيرمالار وندىرەتىن پيروتەحنيكالىق زاتتاردى ساتىپ الۋ ەش قيىندىق تۋدىرمايدى. ت ج د قىزمەتكەرلەرى پيروتەحنيكالىق ونىمدەردى بەلگىلەنبەگەن جەردەن ساتىپ الۋ جانە ولاردى ءورت قاۋىپسىزدىگى ەرەجەلەرىن ساقتاماي پايدالانۋدىڭ قاۋىپتى ەكەندىگىن ءمالىم ەتتى.
«ءورت قاۋىپسىزدىگى ەرەجەلەرىنە» سايكەس، پيروتەحنيكالىق ونىمدەردى بازارلاردا، ساۋدا الاڭدارىندا، كوشەلەردە جانە وسى ماقساتتارعا ساي كەلمەيتىن دۇكەندەردە ساتۋعا تىيىم سالىنادى. پيروتەحنيكانى 18 جاسقا تولماعان بالالارعا، سونداي-اق سەرتيفيكاتى مەن ەگجەي-تەگجەيلى نۇسقاۋلىعى جوق ونىمدەردى ساتۋعا جانە پايدالانۋعا تىيىم سالىنادى»، - دەدى استانا قالاسى تجد ءورت قاۋىپسىزدىگى سالاسىنداعى باقىلاۋ جانە الدىن الۋ باسقارماسىنىڭ باسشىسى ورال ءابدراحمانوۆ.
