ەلىمىز ورتا ازيادا ەكولوگيالىق تازا كوكونىس پەن جەمىس وسىرۋدەن كوش باستايدى
بۇدان بولەك ارتىق قوسپاسىز ازىق- تۇلىك شىعارۋ ءىسى مەن سەلەكسياعا ەكپىن بەرىلەدى. ماسەلەن، كۇنى بۇگىنگە دەيىن سويا مەن جۇگەرى، كارتوپ پەن قىزاناقتىڭ جاڭا تۇرلەرى وسىرىلگەن. ولار قۇرعاقشىلىققا ءتوزىمدى ءارى جىلدىڭ ءار مەزگىلىندە جىلىجايدا دا وسە بەرەدى.
سونداي- اق 2020 -جىلى بىزدەگى كارتوپ ەگىستىگىنىڭ كولەمى 2 پايىزعا ۇلعايتىلماق. ەلىمىزدەگى جەردىڭ 70 پايىزى شولەيت بولعاندىقتان سوعان بەيىم تىڭايتقىشتار قولدانىلادى. تيىسىنشە جوعارىدا اتالعان ازىق تۇلىكتىڭ جالپى كولەمى كەم دەگەندە 5 پايىزعا ارتپاق. مۇنداي جاڭالىق ەلوردادا وتكەن عىلىمي كونفەرەنتسيادا ءمالىم بولدى.
ءبىرجان راحىمجانوۆ، قازاق جەمىس- كوكەنىس شارۋاشىلىعى عىلىمي زەرتتەۋ ينستيتۋتى ديرەكتورىنىڭ ورىنباسارى:
- ءبىز باسقالارمەن قالاي باسەكەلەسەمىز؟ جانىمىزدا ارزان جۇمىس كۇشى، توپىراق كليماتى وتە قولايلى وزبەكستان تۇر. ودان بولەك قانشا ءونىم كەرەك بولسا، سونشا ءونىم ءوندىرىپ بەرە الاتىن قىتاي مەملەكەتى تۇر. تامىر جەمىستى داقىلداردى وسىرۋگە وتە قولايلى قارا توپىراقتى رەسەي تۇر. ءبىز بۇل جەردە ولاردان ەكولوگيالىق تازا نەمەسە ورگانيكالىق ونىمدەردى ءوسىرۋ ارقىلى ءبىز ءوزىمىزدىڭ ونىمدەرگە برەند، ياعني باسقالاردان ارتىقشىلىق بەرە الامىز.
www.24.kz
