ەلوردادا سوزىلمالى دەرتى بار جاندارعا دابىل قاققىش بىلەزىكتەر تاراتىلادى
ياعني ەستەن تانىپ قۇلاپ قالۋى مۇمكىن جاندار ءۇشىن قولايلى. ماسەلەن، وقىس جاعداي ورىن الا قالسا، دارىگەرلەر بىلەزىكتەگى QR- كودى ارقىلى ناۋقاس جايلى اقپاراتتى الادى.
بۇدان بولەك بىلەزىكتە ناۋقاستىڭ تۋىستارىنىڭ تەلەفون نومەرلەرى كورسەتىلگەن. ەگەر بىرەۋ بىلەزىكتەن قانداي دا ءبىر اقپارات السا، ناۋقاستىڭ جاقىندارىنا اۆتوماتتى تۇردە حابارلاما كەلەدى. بۇل ازىرگە پيلوتتىق جوبا.
باس قالاداعى قولعا الىنعان شاراعا №4، 9، 10 - ەمحانالار قاتىسۋعا نيەت بىلدىرگەن. قازىر سوزىلمالى دەرتكە شالدىققان ناۋقاستارعا ارنايى بىلەزىكتەر تەگىن بەرىلۋدە.
قامالجان نادىروۆ، قالالىق قوعامدىق دەنساۋلىق ساقتاۋ باسقارماسىنىڭ باسشىسى:
- جىل سايىن شامامەن 500 دەن استام ادام ەستەن تانىپ قۇلاعان كۇيىندە اۋرۋحاناعا جەتكىزىلەدى. مۇنداي جاعدايدا دارىگەرلەر قانداي كومەك كورسەتۋ كەرەكتىگىن ءبىلۋى ءتيىس. اسىرەسە ناۋقاس جايىنداعى اقپارات قاجەت. ونىڭ ءبارى ادام ومىرىنە اراشا ءتۇسۋى ءۇشىن ماڭىزدى.
ستاتيستيكاعا سۇيەنسەك، استانانىڭ وزىندە 60 مىڭعا جۋىق ادام ەستەن تانۋ قاۋپى بار ناۋقاس رەتىندە تىركەۋدە تۇر. سوندىقتان الداعى ۋاقىتتا ولارعا تەگىن تاراتۋ جوسپاردا بار. ءبىراق بۇل ازىرگە پيلوتتىق جوبا.
شولپان ەليكەيەۆا، قالا تۇرعىنى:
- ەگەر مەن ەستەن تانىپ قۇلاعان جاعدايدا QR- كود ارقىلى مەن جايلى اقپاراتتى الادى. وندا قانداي دارىگە اللەرگيام بار ەكەندىگىنە دەيىن كورسەتىلگەن. ءبىر جاقسى جەرى جاقىندارىما بىردەن اقپارات بارادى. ياعني وقىس جاعداي بولا قالسا، مەنى ىزدەپ الاڭدامايدى.
www.24.kz
