گولوۆكين دجەرمالل چارلومەن كەزدەسۋدەن باس تارتۋى مۇمكىن
«كەزدەسۋگە كەدەرگى بولاتىن جاعدايلار تۋىنداۋى مۇمكىن. ويتكەنى گولوۆكين مانسابىنداعى العاشقى جەڭىلىستەن كەيىن ەركىن اگەنتكە اينالىپ، بولاشاعىن بولجاپ وتىر. ەگەر 36 جاستاعى بوكسشى Showtime-مەن كەلىسىمشارتقا وتىرسا، چارلومەن كەزدەسۋ ۇيىمداستىرۋ وپ-وڭاي بولادى. ەگەر باسقا جولدى تاڭداسا، WBC تۋرالى ۇمىتا بەرۋىنە بولادى»، - دەيدى ساراپشى.
WBC پرەزيدەنتى ماۋريسيو سۋلەيمان دا چارلو مەن گولوۆكيننىڭ كەزدەسۋىنە ءۇمىت بىلدىرەتىنىن ايتقان بولاتىن. «چارلو مەن گولوۆكين كەزدەسىپ، ونىڭ جەڭىمپازى 2019-جىلدىڭ قىركۇيەگىندە «كانەلومەن» جەكپە-جەك وتكىزەدى دەپ ۇمىتتەنەمىن»، - دەگەن ەدى سۋلەيمان.
ەسكە سالا كەتەيىك، قازان ايىندا WBC گولوۆكين مەن چارلو اراسىنداعى جەكپە-جەككە سانكسيا شىعارعان، ءبىراق وعان تاراپتاردىڭ ەشبىرى قىزىعۋشىلىق بىلدىرە قويماعان بولاتىن.
