استانادا مارافون كەزىندە كولىك قوزعالىسى شەكتەلەدى

​استانا قالاسىندا «Astana Winter Marathon» قىسقى II مارافونىنىڭ وتكىزىلۋىنە بايلانىستى (5، 10، 21 جانە 42 شاقىرىم) 23 -جەلتوقساندا ساعات 08:00-دەن باستاپ 13:00-گە دەيىنگى ارالىقتا جۇگىرۋ باعىتىنداعى كوشەلەردە كولىك قوزعالىسى تولىقتاي شەكتەلەدى.

قالالىق پ د اكىمشىلىك پوليتسيا باسقارماسى كولىك كەپتەلىسىن بولدىرماۋ ءۇشىن جابىق ۋچاسكەنى اينالىپ ءوتۋدى جانە باسقا اشىق جولداردى پايدالانۋدى ۇسىنادى. بۇل ا. بايتۇرسىنوۆ كوشەسى (ر. قوشقاربايەۆ داڭعىلىنان باستاپ ت. جۇرگەنوۆ كوشەسىنە دەيىنگى ارالىق) جانە ق. امانجولوۆ كوشەسى، سارىكول كوشەسى جانە تاۋەلسىزدىك داڭعىلىمەن قيىلىستارى جابىق بولادى.

سونىمەن قاتار، ءىس-شارانى وتكىزۋ كەزەڭىندە ر. قوشقاربايەۆ داڭعىلى، ج. ناجىمەدەنوۆ كوشەسى جانە ش. قالداياقوۆ كوشەسىنىڭ بويىندا جۇك كولىكتەرىنىڭ قوزعالىسى تولىق شەكتەلەتىن بولادى.

سونىمەن قاتار، قوعامدىق كولىك باعىتتارىنىڭ قوزعالىس سىزباسى ۋاقىتشا وزگەرتىلەتىن بولادى (اۆتوبۋستار ج. ناجىمەدەنوۆ كوشەسى جانە ر. قوشقاربايەۆ داڭعىلىمەن جۇرەدى).

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى