قاراعاندىدا بولعان انا كەسەنەسىنەن تابىلعان ارحەولوگيالىق ولجالار تانىستىرىلدى
بۇل تۋرالى «قازاقپارات» ح ا ا ekaraganda.kz سايتىنا سىلتەمە جاساعان حابارلايدى.
ارحەولوگيالىق قازبا جۇمىستارى بولعان انا كەسەنەسىندە جۇرگىزىلگەن. قازبا جۇمىستارىنىڭ بارىسىندا اقسۇيەك تۇقىمنان شىققان ايەلدىڭ سۇيەكتەرى تابىلعان. الدىن الا بولجام بويىنشا، بۇل ايەل جوشى حاننىڭ تۋىسى بولعان.
«ايەل بولعان انا كەسەنەسىنىڭ ورتالىق بولىگىندە جەرلەنگەن. قازبا جۇمىستارىنىڭ بارىسىندا ءقابىر تابىلدى. ونىڭ ۇزىندىعى 2,20 مەتر، ەنى 1,20 مەتر، تەرەڭدىگى 2 مەتر، 35 سانتيمەتر. باستاپقىدا اعاش ساركوفاگتا جەرلەنگەن ادامنىڭ قاڭقا سۇيەگى شىقتى. وكىنىشكە قاراي، ساركوفاگ قيراعان. تازارتۋ كەزىندە سونداي-اق ايەلدىڭ باس جاعىنا قويىلعان التىن كەسە، يىق تۇسىنان سىرعا، سونداي- اق قابىردىڭ ىشىنەن ماتا قالدىقتارى جانە بىلعارى اياق كيىم تابىلدى.
ماماندار ايەلدىڭ جاسىن جانە قاي زاماندا ءومىر سۇرگەنىن انىقتاۋ ءۇشىن سۇيەك ۇلگىلەرىن امەريكا مەن جاپونيانىڭ الەمدىك زەرتحانالارىنا جىبەردى. زەرتحانالىق زەرتتەۋلەر 2018 -جىلدىڭ سوڭىنا دەيىن دايىن بولاتىنى اتاپ وتىلەدى. بولاشاقتا تاريحشىلار كەسەنەدە جەرلەنگەن ايەلدىڭ بەينەسىن قالپىنا كەلتىرۋدى جوسپارلاپ وتىر.
