وقۋشىلار توبەلەسى: مەكتەپ ديرەكتورى مەن ورىنباسارى جۇمىستان كەتتى
م. قۇسايىنوۆ اتىنداعى دارىندى بالالارعا ارنالعان مەكتەپ-ينتەرناتتا وقۋشىلار توبەلەسىپ، ءبىرى ەكىنشىسىنە پىشاق سۇعىپ العان بولاتىن. كەيىن وبلىستىق ءبىلىم باسقارماسىنىڭ باسشىسى ءلاززات ورازبايەۆا مەكتەپ ديرەكتورىنىڭ جۇمىستان شىعارىلعانىن مالىمدەگەن ەدى.
«جوعارى سىنىپ وقۋشىلارىنىڭ اراسىنداعى وقيعادان كەيىن مەكتەپ-ينتەرناتتا تەكسەرۋ جۇرگىزىلدى. جۇمىس توبىنىڭ مۇشەلەرى وقۋ ورنىنداعى تاربيە پروتسەسى ءتيىستى دەڭگەيدە ۇيىمداستىرىلماعانىن جانە اكىمشىلىك تاراپتان باقىلاۋ ناشارلاعانىن انىقتادى. تەكسەرۋ ناتيجەسى بويىنشا مەكتەپ-ينتەرنات ديرەكتورى گ. تاجىعاليەۆا ءوز ەركىمەن جۇمىستان شىعارىلىپ، تاربيە ءىسى جونىندەگى ورىنباسارى مەن پەداگوگ-پسيحولوگ قىزمەتتەرىنەن بوساتىلدى. ال ديرەكتوردىڭ وقۋ ءىسى جونىندەگى ورىنباسارى مەن تاربيەشى ەسكەرتۋ السا، 10 -سىنىپتىڭ جەتەكشىسىنە قاتاڭ سوگىس جاريالاندى. وسى فاكتى بويىنشا ىشكى ىستەر ورگاندارى تەرگەۋ جۇمىستارىن باستادى. پىشاق جاراقاتىن سالعان وقۋشى ەشقايدا كەتپەۋ تۋرالى قولحاتپەن ءجۇر»، - دەپ حابارلادى وڭىرلىك كوممۋنيكاتسيا قىزمەتى.
ايتا كەتەيىك، پىشاق جاراقاتىن العان وقۋشى ۇيىندە ەمىن جالعاستىرىپ جاتىر.
