سەرگىتەتىن سەگىز سۇراق
ءبىراق، جاقىنسىنىپ، قولايلى دەپ كۇندە سول جاقتان تاماقتاناسىز با؟
«مەنى اقىماق كورىپ تۇرسىڭ با؟ ونداي جەرگە بارىپ كىم اقشاسىن شىعىنداعىسى كەلسىن» دەۋىڭىز ابدەن مۇمكىن. الايدا، ويلانىپ كورىڭىز، بىرەر جاعداي بولا قالعاندا ءار ەكى جاقتىڭ ورىندارىن اۋىستىرىپ ويلانىپ كورىڭىز. كوپ ادام نەنىڭ جامان، نەنىڭ جاقسى ەكەنىن وتە جاقسى بىلەدى. بىرەۋگە اشۋ شاقىرۋدىڭ، بوعاۋىز ءسوز ايتۋدىڭ نەمەسە ماحاببات الەمىندەگى «ەكى كەمەنىڭ قۇيرىعىن قاتار ۇستاۋدىڭ» ارسىزدىق ەكەنىن بىلە تۇرا سولاي ىستەيدى. ەندەشە وسى ماسەلەلەر مەن ءبىز ايتىپ وتىرعان كافەنى اۋىستىرىپ كورىڭىز؛
2. 2000 تەڭگە اقشا جوعالتتىڭىز. ونىڭ قايدا جوعالعانىن بىلسەڭىز، تاۋىپ كەلۋ ءۇشىن 5000 تەڭگە جۇمساپ تاكسيلەتىپ باراسىز با؟
«وسىنداي دا سۇراق بولىپ پا، ەكى مىڭ تەڭگە باستان قۇلاق ساداقا بولسىن!» دەپ جاۋاپ بەرەدى كوپ ادام. ءبىراق، مۇنداي ىستەر ومىرىمىزدە كوپتەپ كەزدەسىپ جاتادى. ءبىز قاتەلىك جاسايمىز، كەيدە ءبىلىپ، كەيدە بىلمەي ارينە. ونىڭ قاتە ەكەنىن بىلە تۇرا مويىندامايمىز، ونى مويىنداي سالۋعا كەتەتىن ۋاقىتتان ەكى نە ودان دا كوپ ەسە ۋاقىت جۇمساپ وعان سىلتاۋ ىزدەيمىز. باسقالارعا جاقسى اسەر قالدىرۋعا جان- تانىمىزبەن تىرىسامىز.
بىرەۋلەردىڭ جالعىز- اق اۋىز ءسوزى ءۇشىن اپتالاپ، ايلاپ اق تەر-كوك تەر بولامىز. قول ۇزگەن ماحابباتىمىزدىڭ قايتا قايتىپ كەلمەيتىنىن بىلە تۇرا سوعان بولا ايلاپ، جىلداپ ازاپ شەكەمىز، اراققا، تەمەكىگە سالىنامىز. ويلانىڭىز، اقىماق بولىپ ءجۇرىپ ودان دا كوپ دۇنيەلەردى جوعالتاسىز.
3. ءسىز گازەت، تەلەۆيزيا، ينتەرنەت بەتتەرىندە كۇن سايىن جازىلىپ جاتقان اتىس- شابىس، ادام ءولتىرۋ وقيعالارىن وقىعاننان كەيىن ۇيدەن شىقپاي جاتىپ الاسىز با؟
«ولاي بولۋى مۇمكىن ەمەس، ءومىر ءوز قالپىمەن جۇرە بەرەدى عوي» دەپ جاۋاپ بەرەتىندەر كوپ. ەستەرىڭىزدە بولار اقىرزامان جايلى اڭگىمە گۋلەپ تۇرعان كەزدە ادامداردىڭ نە ىستەگەنى. ادام - جەكە- جەكە جۇرسە ودان اقىلدى حايۋان جوق. ال، توپتا، كوپتە اقىل جوق. «كوپپەن كورگەن ۇلى توي» بولماي قالۋى دا مۇمكىن.
4. بارلىق ادامنىڭ جەكە كومپانيا اشىپ، بيزنەس باستاپ بايىپ كەتەتىنىنە سەنەسىز بە؟
«ارينە، سەنبەيمىن!» جاۋاپ بەرۋ وڭاي. جەڭىسكە جەتكەن كىسىلەردىڭ پىكىرى كىتاپتى كوپ وقى، كوپ قايتالا، ماشىق جاسا دەگەندەرگە سايادى. ەستۋگە وڭاي، ءبىراق، ونى ىستەۋگە كىم- كىمنىڭ دە قاجىر- قايراتى جەتە بەرمەيدى. بىردە تاكسيدە كەلە جاتىرمىز.
جۇرگىزۋشى جىگىت اينالادان زۋلاپ ءوتىپ جاتقان قىمبات كولىكتەرگە قاراپ: «وسىلاردىڭ اقشاسى- اي! اقشانى وڭاي-اق تاۋىپ الادى وسىلار...» دەپ اڭگىمە باستادى. «اقشا تابۋ سونداي وڭاي ما؟» دەپ سۇرادىم مەن. ول ۇندەمەدى. نە ءۇشىن بىزدەر باسقالار تاپقان اقشانى وڭاي تابىلدى دەپ ويلاۋىمىز كەرەك؟ ! ءبارى دە تاباندىلىقتا.
5. فۋتبول ويناپ كورمەگەن ادام فۋتبول كلۋبىنا جاتتىقتىرۋشى بولا الا ما؟
«بولا المايدى. ول مامان ەمەس قوي»، ءبىراق، ءبىز تەك فۋتبولعا كەلگەندە مامان جاعىن ويلايمىز. كوپ ادامدار ەلدەن «اناۋ كاسىپ جاقسى ەكەن، مىناۋ سالادا بايىپ كەتەدى ەكەن» اڭگىمەنىڭ جەتەگىندە سول سالاعا كەتىپ، ءبىر-اق كۇندە ميلليونەر بولعىسى كەلىپ جۇرگەندەر قانشاما.
6. ۇقسايتىن جانە ۇقسامايتىن سۇراق. فۋتبول جاتتىقتىرۋشىسى الاڭعا شىقپاي تۇرىپ ويىنعا جەتەكشىلىك جاساي الا ما؟
«باسىڭ ىستەي مە، ولاي بولۋى مۇمكىن ەمەس قوي» دەگەن جاۋاپ الاسىز، ءبىراق، كوپتەگەن ادام وزىندە جوق ۋاقىتتى، وزىندە جوق اقىل مەن قابىلەتتى كورمەي جاتىپ باستارى قىزعانشا باسقالارعا سىن ايتادى. بازار ارالاپ ءجۇرىپ «مىنا كونتەينەر ساتىلادى» دەگەن حابارلاندىرۋ كورسە، سوعان الاقىزىپ، اقىرى ساتىپ الادى. تاقىرعا وتىرادى. سوڭىندا ماسەلەنىڭ قايدان شىققانىنا، قاتەنىڭ قايدان كەتكەنىنە باسى جەتپەي دال بولادى.
7. ءسىز ماڭگى وكىنىپ جۇرۋگە رازى بولاسىز، نە ءۇشىن ءبىر رەت بولسا دا سىناپ كورۋگە رازى ەمەسسىز؟
بىزدىڭشە ەشكىم دە: «راس- اۋ، مەن سونداي قورقاقپىن با؟» دەپ ايتپايدى. ادامدار ومىردە تاۋەكەلگە بارمايتىن، باتىلدىق تانىتپايتىن تۇستاردا وسى قادامعا بارادى. ال وسى ەرلىكتى جاسايتىن كەزدە جاسامايدى. كەيدە جاقسى جاعىن كوپ ويلايسىز، كەيدە جامان جاعىن ايتىپ، ءوز- ءوزىڭىزدى يلاندىراسىز. ءبارى مۇمكىن، ءبىراق، ءبىر رەت سىناپ كورۋگە نە جەتسىن.
8. ءسىزدىڭ ۋاقىتىڭىز كوپ، قارتايمايسىز، سوندىقتان، «ومىرىمدە وسى ءىستى اتقارىپ كەتسەم-اۋ» دەگەن ارمانىڭىزدى كەيىنگى كۇندەرگە قالدىرا بەرەسىز بە؟
«جوق، قالدىرمايمىن!»
ءبىراق، ءبىز قالدىرا بەرەمىز. قالدىرعان ۇستىنە قالدىرا بەرەمىز. «ءبىز بايىعاندا ويتەمىز، بۇيتەمىز، زەينەتكە شىققاندا بۇكىل الەمدى ارالايمىن، بالا ەسەيگەندە ايتەم- بۇيتەم...». ءبارى قۇر بەكەر ءسوز. مىڭ جاسايتىن قۇزعىن ەمەسسىڭ. ارمان-تىلەكتىڭ ءبىر جولدا ورىندالۋى مۇمكىن ەمەس، تەك از- ازدان، ءبىر-بىردەن، باسقىش- باسقىشپەن ورىنداپ وتىرۋ كەرەك. توبەلەپ جيناۋدىڭ كىمگە پايداسى تيمەك؟ جاستىقتىڭ وتى جالىنداپ تۇرعاندا ارماندارىڭىزدى ورىنداپ قالىڭىز، «اسىڭ باردا ەل تانى، بەرىپ ءجۇرىپ. اتىڭ باردا جەر تانى، جەلىپ ءجۇرىپ» دەگەن اتالى ءسوز بەكەر ايتىلماعان.
